У Беларусь без візы на 30 дзён
Афіцыйны сайт Рэспублікі Беларусь
Выбары Прэзідэнта Рэспублікі Беларусь 9 жніўня 2020 года
Улада
Каляндар падзей у Беларусі
Выдатныя мясціны Беларусі
Сусветная спадчына ЮНЕСКА ў Беларусі
Беларускія санаторыі і курорты
Сувеніры з Беларусі
| Галоўная | Улада | Падзеі

Падзеі

11 Сак 2020

Змяненні ў Канстытуцыю павінны быць накіраваны на сацыяльны прагрэс і мадэрнізацыю грамадства - КС

Змяненні ў Канстытуцыю павінны быць накіраваны на сацыяльны прагрэс і мадэрнізацыю грамадства - КС
Пётр Міклашэвіч

11 сакавіка, Мінск /Кар. БЕЛТА/. Змяненні ў Канстытуцыю павінны быць накіраваны на сацыяльны прагрэс і мадэрнізацыю грамадства, заявіў журналістам старшыня Канстытуцыйнага суда Пётр Міклашэвіч пасля зачытвання заключнай часткі Паслання КС Прэзідэнту і палатам Нацыянальнага сходу, перадае карэспандэнт БЕЛТА.

КС пры рабоце над змяненнямі ў Канстытуцыю прааналізаваў палажэнні Асноўнага закона краіны з улікам зменлівых грамадскіх адносін і рэалій канстытуцыйнага будаўніцтва, больш за 50 канстытуцый замежных краін. У выніку выпрацаваны пэўныя прапановы па ўдасканаленні.

"Мы прытрымліваліся таго, каб не парушыць прынцып стабільнага канстытуцыйнага развіцця, - сказаў Пётр Міклашэвіч. - Трэба захаваць тыя канстытуцыйныя палажэнні, якія сапраўды паказалі, што на іх аснове дасягаецца мір і спакой, развіваецца эканоміка, сацыяльная сфера. А ў цэлым - каб змяненні былі накіраваны на сацыяльны прагрэс, мадэрнізацыю грамадства і далейшае дынамічнае развіццё нашай краіны".

Разам з тым, адзначыў старшыня КС, на працягу чвэрці стагоддзя Беларусь стабільна і дынамічна развіваецца на канстытуцыйнай аснове, забяспечваючы свой суверэнітэт і незалежнасць.

Для ўдасканалення дзеючай Канстытуцыі Беларусі на дзяржаўным узроўні створана пашыраная камісія, куды ўвайшлі прадстаўнікі парламента, урада, іншых органаў, прыцягнуты вучоныя. Нараўне з прапановамі Канстытуцыйнага суда члены камісіі будуць аналізаваць і іншыя прапановы.

Архіў
Пн Аўт Сер Чцв Пт Сб Нядз
Помнікі Вялікай Айчыннай вайны ў Беларусі
Партызанскі летапіс