Афіцыйны сайт Рэспублікі Беларусь
Улада
Каляндар падзей у Беларусі
Выдатныя мясціны Беларусі
Сусветная спадчына ЮНЕСКА ў Беларусі
Беларускія санаторыі і курорты
Сувеніры з Беларусі
| Галоўная | Улада | Падзеі

Падзеі

20 Jan 2017

Зацверджаны комплекс мер па рэалізацыі Праграмы сацыяльна-эканамічнага развіцця Беларусі да 2020 года

20 студзеня, Мінск /Кар. БЕЛТА/. Савет Міністраў пастановай нумар 18 ад 12 студзеня 2017 года зацвердзіў комплекс мер па рэалізацыі Праграмы сацыяльна-эканамічнага развіцця Беларусі на 2016-2020 гады. Пры распрацоўцы дакумента ўлічаны меры па рэалізацыі праграмы, выкананыя ў 2016 годзе, паведамляе БЕЛТА са спасылкай на Нацыянальны прававы інтэрнэт-партал.

Комплексам мер прадугледжаны 380 мерапрыемстваў па ўсіх напрамках праграмы, названы тэрміны іх рэалізацыі, адказныя выканаўцы і форма рэалізацыі.

Дзяржаўным органам, вызначаным адказнымі выканаўцамі мерапрыемстваў комплексу мер, аблвыканкамам і Мінскаму гарвыканкаму, Міністэрству эканомікі даручана штогод інфармаваць Савет Міністраў аб ходзе рэалізацыі комплексу мер дзяржорганамі.

Праграма сацыяльна-эканамічнага развіцця Беларусі на 2016-2020 гады зацверджана ўказам Прэзідэнта нумар 466 ад 15 снежня 2016 года. У ёй абгрунтаваны шляхі павышэння канкурэнтаздольнасці эканомікі і якасці жыцця беларускіх грамадзян, развіцця канкурэнцыі і ўдасканалення інстытуцыянальнага асяроддзя, прапанаваны прававыя і сацыяльна-эканамічныя механізмы рэалізацыі прыярытэтаў і задач пяцігоддзя.

Паказчыкі і параметры сацыяльна-эканамічнага развіцця краіны, змешчаныя ў праграме, распрацаваны зыходзячы з максімальнага выкарыстання існуючага патэнцыялу для эканамічнага росту і актывізацыі інавацыйных магчымасцей эканомікі, разняволення дзелавой ініцыятывы, стварэння максімальна спрыяльных умоў для хуткага фарміравання новых сектараў і галін эканомікі, прыцягнення прамых замежных інвестыцый.

Архіў
Пн Аўт Сер Чцв Пт Сб Нядз
Помнікі Вялікай Айчыннай вайны ў Беларусі