У Беларусь без візы на 30 дзён
Афіцыйны сайт Рэспублікі Беларусь
Год малой радзімы ў Беларусі
Улада
Каляндар падзей у Беларусі
Выдатныя мясціны Беларусі
Сусветная спадчына ЮНЕСКА ў Беларусі
Беларускія санаторыі і курорты
Сувеніры з Беларусі
| Галоўная | Улада | Падзеі

Падзеі

3 Врс 2019

Зась: сустрэча ў Варшаве цалкам упісваецца ў мінскія ініцыятывы па пашырэнні міжнароднага дыялогу

Зась: сустрэча ў Варшаве цалкам упісваецца ў мінскія ініцыятывы па пашырэнні міжнароднага дыялогу
Фота з архіву

3 верасня, Мінск /Кар. БЕЛТА/. Сустрэча ў Варшаве сакратароў саветаў бяспекі ЗША, Польшчы, Украіны і Беларусі цалкам упісваецца ў мінскія ініцыятывы па пашырэнні міжнароднага дыялогу. Аб гэтым сёння журналістам паведаміў дзяржсакратар Савета бяспекі Беларусі Станіслаў Зась, перадае карэспандэнт БЕЛТА.

Станіслаў Зась заклікаў "не шукаць у гэтай сустрэчы скрытых сэнсаў, не будаваць канспіралагічных тэорый". "Гэта сустрэча цалкам упісваецца ў нашы мінскія ініцыятывы па пашырэнні міжнароднага дыялогу з мэтай забеспячэння міру і бяспекі", - сказаў ён.

Сустрэча сакратароў саветаў бяспекі ЗША, Польшчы, Украіны і Беларусі ў Варшаве прайшла ў апошніх чыслах жніўня па ініцыятыве замежных калег, дадаў Станіслаў Зась.

Сустрэчу дзяржсакратар Савета бяспекі назваў "добрай магчымасцю паслухаць адзін аднаго, самім выказацца аб праблемах, якія існуюць у рэгіёне і свеце, пагрозах рознага характару". "Не магу сказаць, што ўсе нашы ацэнкі і меркаванні супалі, але тым больш, патрэбны такі дыялог", - падкрэсліў ён.

"Беларусь яшчэ раз пацвердзіла, што мы застаёмся прыхільнікамі мірнага ўрэгулявання ўсіх спрэчных праблемных пытанняў, якія існуюць у свеце, палітыка-дыпламатычным спосабам і ніякім іншым", - адзначыў Станіслаў Зась. Беларусь пацвердзіла сваю гатоўнасць усямерна садзейнічаць гэтаму працэсу, рэзюмаваў дзяржсакратар.

Архіў
Пн Аўт Сер Чцв Пт Сб Нядз
Помнікі Вялікай Айчыннай вайны ў Беларусі
Партызанскі летапіс