У Беларусь без візы на 30 дзён
Афіцыйны сайт Рэспублікі Беларусь
Улада
Каляндар падзей у Беларусі
Выдатныя мясціны Беларусі
Сусветная спадчына ЮНЕСКА ў Беларусі
Беларускія санаторыі і курорты
Сувеніры з Беларусі
| Галоўная | Улада | Падзеі

Падзеі

13 Лют 2020

Заканадаўства аб дзяржаўных сімвалах плануюць удасканаліць у Беларусі

Заканадаўства аб дзяржаўных сімвалах плануюць удасканаліць у Беларусі

13 лютага, Мінск /Кар. БЕЛТА/. Заканадаўства аб дзяржаўных сімвалах плануюць удасканаліць у Беларусі, паведаміў журналістам міністр юстыцыі Алег Сліжэўскі, перадае карэспандэнт БЕЛТА.

"Падрыхтаваны праект закона, які карэкціруе заканадаўства аб дзяржаўных сімвалах. Гэта звязана з тым, што ўзнікалі пытанні да выявы дзяржаўнага герба", - сказаў Алег Сліжэўскі.

У Геральдычным савеце пры Прэзідэнце праведзена ацэнка дзеючай сімволікі. Прыйшлі да высновы, што выяве дзяржаўнага герба патрэбна ўдасканаленне. У якасці элемента, якога гэта можа датычыцца, міністр назваў зорку ўверсе герба. Сёння яна мае выразныя грані ў сваім выкананні. Паводле слоў міністра, важна разумець агульнапрызнаныя падыходы да геральдыкі. Для розных выпадкаў сімволіка можа несці іншае значэнне. Так, у тым выглядзе, як цяпер выканана гэта зорка, яна больш прымяняецца ў мілітарызаванай сімволіцы і мае крыху ваяўнічы характар. Разам з тым Беларусь - міралюбівая дзяржава, якая захоўвае нейтралітэт і не разглядае агрэсію як спосаб сваёй палітыкі. Таму неабходна ў асноўным дзяржаўным сімвале прывесці гэты элемент у адпаведнасць з міралюбівым характарам рэспублікі.

Змяненні могуць закрануць і выявы паралелей і мерыдыянаў. Таксама будуць больш прарысаваны некаторыя асобныя элементы. "Ёсць такія нюансы, якія выклікаюць не заўсёды правільныя асацыяцыі, безумоўна, яны прыводзяцца ў ідэальны выгляд", - адзначыў Алег Сліжэўскі.

У выпадку прыняцця змяненняў будзе прадугледжаны перыяд для замены на новую сімволіку, дадаў міністр.

Архіў
Пн Аўт Сер Чцв Пт Сб Нядз
Помнікі Вялікай Айчыннай вайны ў Беларусі