Падзеі

З пачатку года з Беларусі выдварана больш за 3,6 тыс. іншаземцаў, якія парушылі заканадаўства

Фота з архiва

5 лістапада, Мінск /Кар. БЕЛТА/. З пачатку гэтага года з Беларусі выдвараны больш за 3,6 тыс. іншаземцаў, якія парушылі заканадаўства, у тым ліку 1,3 тыс. незаконных мігрантаў. Аб гэтым паведамілі журналістам у МУС па выніках даклада міністра ўнутраных спраў Івана Кубракова Прэзідэнту Беларусі Аляксандру Лукашэнку, перадае карэспандэнт БЕЛТА.

Кіраўнік МУС звярнуў увагу, што за апошнія 5 гадоў колькасць іншаземцаў, якія прыязджаюць у Беларусь, вырасла ў тры разы і прадаўжае расці. Калі за 9 месяцаў 2021 года іх было 514 тыс. чалавек, то за аналагічны перыяд 2025 года - 1,7 млн. Расце таксама і колькасць працоўных мігрантаў - прыкладна ў паўтара раза ў гэтым годзе ў параўнанні з аналагічным перыядам мінулага.

Міністр нагадаў, што замежныя грамадзяне, якія прыбываюць у нашу краіну (ці гэта праз аэрапорт, ці праз наземную граніцу), прыходзяць у падраздзяленні па грамадзянстве і міграцыі, дзе з імі праводзяць прафілактычную работу. "Да кожнага мы даводзім асаблівасці нашага заканадаўства. Папярэджваем, што ў выпадку яго парушэння вінаватыя пакідаюць нашу краіну, - растлумачыў Іван Кубракоў. - Як правіла, гэта законапаслухмяныя грамадзяне - якой-небудзь праблемы ў тым, што датычыцца злачынстваў, з іх боку няма".

Але, на жаль, выпадкі дэпартацыі ўсё ж бываюць. З пачатку гэтага года з Беларусі выдвараны больш за 3,6 тыс. іншаземцаў, якія парушылі заканадаўства, у тым ліку 1,3 тыс. незаконных мігрантаў. "Усе ведаюць, што ў нас парадак і дысцыпліна і інакш проста быць не можа. Калі сюды прыязджаюць адпачываць або працаваць, наша краіна заўсёды такім людзям рада. Тыя, хто парушае заканадаўства, адразу ж пакідаюць нашу краіну - добраахвотна або прымусова. Заканадаўства сёння нам дазваляе гэта рабіць. Сітуацыю ў міграцыйных працэсах мы поўнасцю кантралюем", - падкрэсліў кіраўнік МУС.

версія для друку

зрабіць стартавай

дабавіць у выбранае