Афіцыйны сайт Рэспублікі Беларусь
Улада
Каляндар падзей у Беларусі
Выдатныя мясціны Беларусі
Сусветная спадчына ЮНЕСКА ў Беларусі
Беларускія санаторыі і курорты
Сувеніры з Беларусі
| Галоўная | Улада | Падзеі

Падзеі

28 Сак 2025

Хрэнін: узаемадзеянне Беларусі і М'янмы грунтуецца на даверы, раўнапраўі і ўзаемнай выгадзе

Хрэнін: узаемадзеянне Беларусі і М'янмы грунтуецца на даверы, раўнапраўі і ўзаемнай выгадзе
Фота Мінабароны

28 сакавіка, Мінск /Кар. БЕЛТА/. Узаемадзеянне Беларусі і М'янмы грунтуецца на даверы, раўнапраўі і ўзаемнай выгадзе, заявіў міністр абароны Беларусі Віктар Хрэнін у час сустрэчы са старшынёй Дзяржаўнага адміністрацыйнага савета, прэм'ер-міністрам Рэспублікі Саюз М'янма Мін Аун Хлайнам. Аб гэтым БЕЛТА паведамілі ў Міністэрстве абароны.

Кіраўнік беларускага ваеннага ведамства падзякаваў Мін Аун Хлайна за запрашэнне наведаць М'янму і перадаў віншаванні Прэзідэнта Рэспублікі Беларусь Аляксандра Лукашэнкі з 80-годдзем утварэння Узброеных Сіл Рэспублікі Саюз М'янма.

Міністр абароны Беларусі адзначыў, што традыцыйныя дружалюбныя сувязі і ўзаемная павага з'яўляюцца асновай для паспяховага ўзаемадзеяння краін, і выказаў словы ўдзячнасці за асабістую ўвагу кіраўніка м'янманскай дзяржавы да пытанняў развіцця ўсебаковага супрацоўніцтва, у тым ліку і ваеннага.

"Беларусь з вялікай павагай ставіцца да М'янмы. Наша міждзяржаўнае ўзаемадзеянне грунтуецца на даверы, раўнапраўі і ўзаемнай выгадзе. Беларусь і М'янму аб'ядноўвае імкненне да шматпалярнай сістэмы міжнародных адносін і незалежнай знешняй палітыкі. Нашы краіны паслядоўна і настойліва выступаюць супраць умяшання ва ўнутраныя справы суверэнных дзяржаў і ўвядзення незаконных і несправядлівых санкцый", - сказаў Віктар Хрэнін.

У сваю чаргу Мін Аун Хлайн адзначыў, што Рэспубліка Саюз М'янма вітае імкненне Беларусі да плённага супрацоўніцтва. "Нашы краіны на далёкай адлегласці, але мы блізкія па духу. Я згодны з вашым падыходам - упор на якасць, а не колькасць у супрацоўніцтве. Таму мы хацелі б пачаць з абмену вопытам у падрыхтоўцы спецыялістаў. Мы настроены на актыўнае супрацоўніцтва і павелічэнне тавараабароту. Вы сказалі, што вы перадавая група, а за вамі прыедуць іншыя прадстаўнікі ведамстваў. Мы адкрыты для вас. Хацеў бы перадаць вашаму Прэзідэнту: мы вельмі чакаем яго ў нашай краіне. Я спадзяюся, ваш візіт надасць новы імпульс нашаму супрацоўніцтву. Мы заўсёды гатовы працаваць з вамі", - падкрэсліў ён.

Архіў
Пн Аўт Сер Чцв Пт Сб Нядз
Помнікі Вялікай Айчыннай вайны ў Беларусі