Падзеі

Хаменка: Беларусь і Сербія - суверэнныя краіны, якія імкнуцца да мірнага суіснавання

9 мая, Мінск /Кар. БЕЛТА/. Беларусь і Сербія - суверэнныя краіны, якія імкнуцца да мірнага суіснавання, заявіў намеснік старшыні Савета Рэспублікі Сяргей Хаменка ў час сустрэчы з дэлегацыяй Рэспублікі Сербія пад кіраўніцтвам намесніка старшыні Народнай скупшчыны Рэспублікі Сербія Ёвана Яніча, перадае карэспандэнт БЕЛТА.

"У гэты святочны юбілейны дзень мы сустракаемся з прадстаўнікамі братэрскага сербскага народа. Нас аб'ядноўваюць не толькі вузы дружбы, але яшчэ і тое, што на сённяшні дзень Беларусь і Сербія - гэта суверэнныя, самастойныя краіны, якія імкнуцца да мірнага суіснавання", - сказаў Сяргей Хаменка.

Паводле яго слоў, прыезд парламентарыяў Сербіі на Дзень Перамогі вельмі сімвалічны. "Сербія гэтак жа, як і Беларусь, максімальна пацярпела ад фашысцкага прыгнёту. Нашы дзве краіны-партызанкі, якія дзякуючы народнай волі зрабілі ўсё для таго, каб наблізіць Перамогу ў 1945 годзе", - адзначыў віцэ-спікер.

"У нас адзіныя ідэалы. Сербія, як і Беларусь, імкнецца да максімальнага суверэнітэту, не ідзе на повадзе ў сучасных ідэолагаў, якія прапаведуюць неанацызм, спрабуюць апраўдаць дзеянні фашысцкай Германіі і іх памагатых, - падкрэсліў Сяргей Хаменка. - Імкненне да суверэнітэту з'яўляецца асновай для ўзаемадзеяння паміж двума парламентамі - Рэспублікі Беларусь і Рэспублікі Сербія".

версія для друку

зрабіць стартавай

дабавіць у выбранае