Падзеі
Візіт у Беларусь Генеральнага сакратара ААН чакаецца ў 2016 годзе
10 снежня, Мінск /Алена Прус - БЕЛТА/. Візіт у Беларусь Генеральнага сакратара ААН Пан Гі Муна чакаецца ў 2016 годзе. Аб гэтым паведаміў пастаянны прадстаўнік ПРААН у Беларусі Санака Самарасінха сёння на міжнародным семінары "Рэалізацыя вынікаў Універсальнага перыядычнага агляду: разгляд скаардынаванага падыходу", перадае карэспандэнт БЕЛТА.
"Чакаем візіту кіраўніка ААН у Беларусь у бліжэйшым будучым", - сказаў Санака Самарасінха.
Мэтай семінара з'яўляецца абмен найлепшай практыкай па ажыццяўленні дзяржавамі рэкамендацый Універсальнага перыядычнага агляду (УПА). У семінары прымаюць удзел замежныя эксперты, супрацоўнікі Упраўлення Вярхоўнага камісара ААН па правах чалавека (УВКПЧ ААН), прадстаўнікі органаў дзяржаўнага кіравання Беларусі, грамадскіх аб'яднанняў.
Універсальны перыядычны агляд па правах чалавека (УПА) - гэта ўнікальны механізм Савета ААН па правах чалавека, што ўяўляе сабой комплексны і ўсебаковы агляд сітуацыі з правамі чалавека ва ўсіх краінах свету. Рэспубліка Беларусь у маі 2015 года завяршыла другі цыкл УПА.
версія для друку
зрабіць стартавай
дабавіць у выбранае