Падзеі

Візіт Генеральнага сакратара ААН у Беларусь чакаецца ў верасні

Антоніу Гутэрыш. Фота Сіньхуа - БЕЛТА

3 ліпеня, Мінск /Кар. БЕЛТА/. Візіт Генеральнага сакратара ААН Антоніу Гутэрыша ў Беларусь чакаецца ў верасні. Аб гэтым ішла размова на сустрэчы намесніка міністра замежных спраў Беларусі Андрэя Дапкюнаса з Пастаянным каардынатарам сістэмы развіцця ААН у Беларусі Іааннай Казана-Вішнявецкі, паведамляе БЕЛТА са спасылкай на сайт МЗС Беларусі.

Асаблівая ўвага на сустрэчы была ўдзелена падрыхтоўцы візіту Генеральнага сакратара ААН Антоніу Гутэрыша ў Мінск у верасні. Субяседнікі адзначылі мэтазгоднасць таго, каб у праграме візіту істотнае месца заняла праблематыка ўстойлівага развіцця.

Бакі абмеркавалі шырокае кола пытанняў узаемадзеяння Міністэрства замежных спраў з офісам ААН і прадстаўніцтвамі ўстаноў сістэмы ААН у Беларусі.

У прыватнасці, разгледжаны шляхі далейшага ўдасканалення дзейнасці ў краіне ў кантэксце ўстойлівага развіцця, магчымасці ўмацавання існуючага нацыянальнага каардынацыйнага механізма па ўстойлівым развіцці, а таксама мэтазгоднасць больш шырокага распаўсюджвання інфармацыі - як у краіне, так і за мяжой - аб паспяховых нацыянальных праграмах і перадавым вопыце ў гэтай галіне.

Андрэй Дапкюнас пацвердзіў гатоўнасць Беларусі да пашырэння супрацоўніцтва з праграмамі і агенцтвамі ААН па прыярытэтных для краіны напрамках, у тым ліку ў галіне дасягнення Мэт устойлівага развіцця і міжнароднага чарнобыльскага супрацоўніцтва.

Намеснік міністра і кіраўнік офіса ААН закранулі тэму развіцця турызму ў Беларусі і адзначылі мэтазгоднасць аб'яднання намаганняў зацікаўленых міжнародных партнёраў дзеля садзейнічання развіццю турызму ў краіне, у тым ліку так званага настальгічнага турызму, у малых гарадах і сельскай мясцовасці.

версія для друку

зрабіць стартавай

дабавіць у выбранае