У Беларусь без візы на 30 дзён
Афіцыйны сайт Рэспублікі Беларусь
Улада
Каляндар падзей у Беларусі: КАСТРЫЧНІК 2020
Выдатныя мясціны Беларусі
Сусветная спадчына ЮНЕСКА ў Беларусі
Беларускія санаторыі і курорты
Сувеніры з Беларусі
| Галоўная | Улада | Падзеі

Падзеі

19 Кст 2017

Вучэнне па рэагаванні на радыяцыйныя аварыі завяршылася ў Беларусі

19 кастрычніка, Астравецкі раён /Кар. БЕЛТА/. Сёння ў Астравецкім раёне завяршылася вучэнне па рэагаванні на радыяцыйныя аварыі, перадае карэспандэнт БЕЛТА.

Завяршэнне вучэння пракаменціраваў намеснік прэм'ер-міністра Уладзімір Сямашка. "На гэтым планавым вучэнні МНС і іншыя ведамствы паказалі абсалютна поўную гатоўнасць да таго, што толькі тэарэтычна можа здарыцца. Але мы павінны быць гатовы да ўсякіх нечаканасцей. Усе наглядальнікі і ўдзельнікі вучэнняў, госці адзначылі высокі ўзровень гатоўнасці да ліквідацыі надзвычайных сітуацый", - сказаў віцэ-прэм'ер.

"Мы сур'ёзна рыхтуемся да пуску АЭС. У канцы 2019 года запланаваны пуск першага энергаблока, а ў 2020-м - другога, - нагадаў Уладзімір Сямашка. - І на гэтых вучэннях мы паказалі, што гатовы па ўсіх напрамках. Мы паказалі, што спецыялісты - выпускнікі нашых ВНУ, запрошаныя іншыя спецыялісты, з вопытам работы на станцыі - усе гатовы да дзеянняў у рэальных умовах, яны адпрацоўваюць штатныя і няштатныя сітуацыі".

Сёння ў радыусе 3 км ад БелАЭС адпрацоўвалася эвакуацыя насельніцтва, была праверана гатоўнасць персаналу АЭС да лакалізацыі інцыдэнтаў з практычнай адпрацоўкай дзеянняў на трэнажорах блочнага пульта кіравання станцыі.

Як адзначаюць у МНС, разглядаўся самы неверагодны характар надзвычайнай сітуацыі - з выхадам радыеактыўнага асяроддзя за межы станцыі. Паводле задумы вучэння, на блоку атамнай электрастанцыі здарылася цяжкая аварыя, звязаная з разбурэннем корпуса рэактара і паступленнем радыеактыўнага асяроддзя ў атмасферу.

Вучэнне па рэагаванні на радыяцыйныя аварыі праходзіла ў Беларусі 18-19 кастрычніка. Яно праводзілася ў адпаведнасці з міжнароднымі абавязацельствамі. Згодна з імі, дзяржавы, што ўводзяць у эксплуатацыю вялікія аб'екты ядзернай энергетыкі, павінны правесці серыю адпаведных трэніровак. Мэта вучэння - праверка гатоўнасці сістэмы аператыўнага рэагавання, якая важна ў тым ліку і ў працэсе распрацоўкі аварыйных планаў дзеянняў за межамі прамысловай пляцоўкі АЭС. Удзельнікі - прадстаўнікі рэспубліканскіх органаў дзяржкіравання, прадстаўнікі дзяржаў АДКБ і СНД. Для адпрацоўкі ўводных прыцягваліся сілы МНС, МУС, Мінабароны, Міністэрства аховы здароўя, Мінэнерга Беларусі і МНС Расіі.

Архіў
Пн Аўт Сер Чцв Пт Сб Нядз
Помнікі Вялікай Айчыннай вайны ў Беларусі
Партызанскі летапіс