VI Усебеларускі народны сход
Афіцыйны сайт Рэспублікі Беларусь
Улада
Каляндар падзей у Беларусі
Выдатныя мясціны Беларусі
Сусветная спадчына ЮНЕСКА ў Беларусі
Беларускія санаторыі і курорты
Сувеніры з Беларусі
| Галоўная | Улада | Падзеі

Падзеі

14 Снж 2017

Восем палітычных партый вылучылі кандыдатаў у склады выбаркамаў на мясцовых выбарах

Восем палітычных партый вылучылі кандыдатаў у склады выбаркамаў на мясцовых выбарах14 снежня, Мінск /Кар. БЕЛТА/. Восем з 15 палітычных партый у Беларусі вылучылі сваіх кандыдатаў у склады выбарчых камісій па выбарах дэпутатаў мясцовых Саветаў 28-га склікання. Аб гэтым паведаміла сёння старшыня Цэнтрвыбаркама Лідзія Ярмошына ў Мінаблвыканкаме на семінары-нарадзе па агульных пытаннях арганізацыі і правядзення мясцовых выбараў, перадае карэспандэнт БЕЛТА.

"У склады выбаркамаў вылучылі прадстаўнікоў Кампартыя Беларусі, Ліберальна-дэмакратычная партыя, Аб'яднаная грамадзянская партыя, БНФ, Рэспубліканская партыя, Рэспубліканская партыя працы і справядлівасці, Сацыял-дэмакратычная партыя Народнай Згоды і Беларуская сацыяльна-спартыўная партыя. З грамадскіх арганізацый найбольшую колькасць кандыдатаў у члены выбаркамаў вылучыла Федэрацыя прафсаюзаў Беларусі. Далей ідуць РГА "Белая Русь" і Беларускі саюз жанчын", - праінфармавала Лідзія Ярмошына.

Восем палітычных партый вылучылі кандыдатаў у склады выбаркамаў на мясцовых выбарахСтаршыня Цэнтрвыбаркама канкрэтызавала, што ўваходжанне ў склады тэрытарыяльных выбарчых камісій прадстаўнікоў палітычных партый узрасло не намнога. У цэлым па рэспубліцы ў параўнанні з мінулымі мясцовымі выбарамі іх прадстаўніцтва павялічылася на 0,4 працэнта і дасягнула 1,2 працэнта ад агульнай колькасці членаў. Вялікую актыўнасць палітычныя партыі праявілі пры вылучэнні членаў акруговых выбаркамаў. Тут доля іх прадстаўніцтва дасягнула 5,3 працэнта (усяго 233 члены).

Гаворачы аб ходзе выбарчай кампаніі па выбарах у мясцовыя Саветы ў Мінскай вобласці, Лідзія Ярмошына адзначыла фарміраванне выбаркамаў у строгай адпаведнасці з заканадаўствам. Там, дзе быў конкурс на ўключэнне ў іх склад, праходзіла персанальнае галасаванне па кожнай кандыдатуры, было зразумела, чаму прымалася рашэнне на карысць таго ці іншага кандыдата. Старшыня ЦВК таксама адзначыла, што ў Мінскай вобласці выбары праходзяць з пэўнымі асаблівасцямі, па прычыне адсутнасці абласнога цэнтра. Напрыклад, тут складваецца адзіная ў Беларусі сітуацыя, калі кандыдаты ў дэпутаты, пражываючы і працуючы зусім побач, могуць вылучацца як у Мінскі гарадскі, так і ў Мінскі абласны Саветы дэпутатаў.

Восем палітычных партый вылучылі кандыдатаў у склады выбаркамаў на мясцовых выбарахСёння на базе Мінаблвыканкама прайшоў семінар-нарада па агульных пытаннях арганізацыі і правядзення выбараў дэпутатаў мясцовых Саветаў 28-га склікання. Серыя такіх рэспубліканскіх семінараў прысвечана абмеркаванню пытанняў работы тэрытарыяльных камісій, вылучэння кандыдатаў у дэпутаты, рэгістрацыі ініцыятыўных груп. У прыватнасці, сёння абмяркоўваліся памылкі, якія ўжо фіксуюцца або могуць быць дапушчаны выбаркамамі ў працэсе работы. Ішла размова і аб скаргах, што паступілі ў ЦВК, якія датычацца нясвоечасовага пачатку работы камісій, неабгрунтаваных адмоў у прыёме зваротаў.

У рабоце семінара прынялі ўдзел старшыні акруговых выбарчых камісій, старшыні раённых і Жодзінскага гарадскога выбаркама, намеснікі старшынь гар- і райвыканкамаў, якія курыруюць пытанні ідэалагічнай работы і сацыяльнай сферы.

Восем палітычных партый вылучылі кандыдатаў у склады выбаркамаў на мясцовых выбарахВылучэнне кандыдатаў у дэпутаты мясцовых Саветаў 28-га склікання пачалося з 10 снежня і прадоўжыцца па 8 студзеня ўключна.

Мясцовыя выбары назначаны на 18 лютага 2018 года. Паміж дэпутатамі будзе размеркавана ўвогуле крыху больш за 18 тыс. мандатаў. Перыяд перадвыбарнай агітацыі прадоўжыцца аж да 18 лютага.

Архіў
Пн Аўт Сер Чцв Пт Сб Нядз
Помнікі Вялікай Айчыннай вайны ў Беларусі
VI Усебеларускі народны сход