Падзеі

Ваенныя ведамствы Беларусі і Кубы дамовіліся актывізаваць супрацоўніцтва

Фота "Ваяр"

10 кастрычніка, Мінск /Кар. БЕЛТА/. Ваенныя ведамствы Беларусі і Кубы дамовіліся актывізаваць супрацоўніцтва. Аб гэтым БЕЛТА паведамілі ў прэс-службе Міністэрства абароны Беларусі.

На заканчэнне афіцыйнага візіту дэлегацыя з Кубы на чале з начальнікам Генеральнага штаба - першым намеснікам міністра Рэвалюцыйных Узброеных Сіл Кубы Раберта Легра Саталонгам наведала арсенал узбраення і адзін з камандных пунктаў Ваенна-паветраных сіл і войскаў проціпаветранай абароны Беларусі. Таксама адным з важных мерапрыемстваў праграмы знаходжання кубінскай дэлегацыі на беларускай зямлі стала азнаямленне гасцей з мемарыяльным комплексам "Брэсцкая крэпасць-герой".

"У цэлым па выніках афіцыйнага візіту кіраўнікі ваенных ведамстваў абедзвюх краін дасягнулі дамоўленасці актывізаваць супрацоўніцтва па ўсім спектры напрамкаў, якія ўяўляюць узаемную цікавасць", - падкрэслілі ў прэс-службе Мінабароны.

У гэтым кантэксце начальнік Генеральнага штаба - першы намеснік міністра абароны Беларусі Павел Муравейка паставіў задачы па арганізацыі і правядзенні ў бліжэйшы час шэрага практычна арыентаваных двухбаковых мерапрыемстваў. "Беларускі бок гатовы не толькі прадаўжаць рэалізацыю намечаных планаў, але і развіваць новыя перспектыўныя напрамкі дзейнасці", - адзначыў Павел Муравейка.

версія для друку

зрабіць стартавай

дабавіць у выбранае