Падзеі

Ваенныя Беларусі і ААЭ абмяняліся вопытам баявой падрыхтоўкі

9 кастрычніка, Мінск /Кар. БЕЛТА/. Ваенныя Беларусі і Аб'яднаных Арабскіх Эміратаў абмяняліся вопытам у галіне баявой падрыхтоўкі. Аб гэтым БЕЛТА паведамілі ў прэс-службе Міністэрства абароны Беларусі.

У Мінску адбылася сустрэча начальніка Генеральнага штаба Узброеных Сіл - першага намесніка міністра абароны Беларусі Паўла Муравейкі з начальнікам Генеральнага штаба Узброеных Сіл Аб'яднаных Арабскіх Эміратаў Ісам Сейфам Альмазруі. "Перагаворы прайшлі ў атмасферы ўзаемнай павагі і канструктыўнага дыялогу. Бакі абмеркавалі актуальныя пытанні ваеннага ўзаемадзеяння, абмяняліся вопытам у галіне баявой падрыхтоўкі", - адзначылі ў беларускім ваенным ведамстве.

Удзельнікі сустрэчы аддалі даніну павагі загінулым у гады Вялікай Айчыннай вайны і ўсклалі кветкі да манумента на плошчы Перамогі ў Мінску.

Сёння міністр абароны Беларусі Віктар Хрэнін таксама правядзе сустрэчу з Ісам Сейфам Альмазруі.

версія для друку

зрабіць стартавай

дабавіць у выбранае