Афіцыйны сайт Рэспублікі Беларусь
Улада
Каляндар падзей у Беларусі
Выдатныя мясціны Беларусі
Сусветная спадчына ЮНЕСКА ў Беларусі
Беларускія санаторыі і курорты
Сувеніры з Беларусі
| Галоўная | Улада | Падзеі

Падзеі

10 Feb 2023

Устойлівае развіццё і гандаль. Беларусь і ЭСКАЦА абмеркавалі тэмы ўзаемадзеяння

Устойлівае развіццё і гандаль. Беларусь і ЭСКАЦА абмеркавалі тэмы ўзаемадзеяння
Уладзімір Баравікоў. Фота пасольства Беларусі ў В'етнаме

10 лютага, Мінск /Кар. БЕЛТА/. Надзвычайны і Паўнамоцны Пасол Рэспублікі Беларусь у В'етнаме і Тайландзе па сумяшчальніцтве Уладзімір Баравікоў у якасці Пастаяннага наглядальніка 9 лютага ў Бангкоку (Тайланд) прыняў удзел у пасяджэнні Кансультатыўнага камітэта пастаянных і іншых прадстаўнікоў, назначаных краінамі-членамі Эканамічнай і сацыяльнай камісіі для Азіі і Ціхага акіяна (ЭСКАЦА). Аб гэтым карэспандэнту БЕЛТА расказалі ў беларускай загранустанове.

Адбылося абмеркаванне актуальных пытанняў устойлівага развіцця, супрацоўніцтва ў сферах гандлю, інвестыцый, дзяржаўна-прыватнага партнёрства. Эканамічная і сацыяльная камісія для Азіі і Ціхага акіяна (ЭСКАЦА) была створана ў 1947 годзе з місіяй, накіраванай на вырашэнне эканамічных і сацыяльных праблем названага рэгіёна. ЭСКАЦА прадастаўляе разнастайную тэхнічную дапамогу, удзяляючы асноўную ўвагу кансультаванню ўрадаў, падрыхтоўцы кадраў і абагульненню рэгіянальнага вопыту і інфармацыі шляхам нарад, публікацый і арганізацыі міжнацыянальных сетак сувязі. Камісія праводзіць у жыццё праграмы і праекты стымулявання росту, паляпшэння сацыяльна-эканамічных умоў і садзейнічання стварэнню асноў сучаснага грамадства. Пад яе эгідай працуюць тры навучальныя і даследчыя ўстановы, якія займаюцца пытаннямі сельскагаспадарчага развіцця, статыстыкі і перадачы тэхналогіі.

Задачы камісіі - садзейнічанне міжрэгіянальнаму гандлю і інвестыцыям, перадача тэхналогіі, прыватызацыя і прадпрымальніцтва, ахова навакольнага асяроддзя, урбанізацыя, скарачэнне беднасці, барацьба са злоўжываннем наркотыкамі, народанасельніцтва, сацыяльнае развіццё і міграцыя рабочай сілы.

У той жа дзень Уладзімір Баравікоў у якасці пастаяннага наглядальніка правёў сустрэчу з намеснікам генеральнага сакратара ААН, выканаўчым сакратаром Кансультатыўнага камітэта пастаянных і іншых прадстаўнікоў, назначаных краінамі-членамі ЭСКАЦА, Армідай Салсіяй Алішахбана. Адбылося абмеркаванне напрамкаў работы Беларусі ў гэтай міжнароднай арганізацыі.

Прайшлі таксама перагаворы з кіраўніцтвам профільных дэпартаментаў ЭСКАЦА на прадмет уключэння нашай краіны ў праектную дзейнасць арганізацыі.

У ходзе знаходжання ў г. Бангкоку пасол нанёс візіты пастаянным прадстаўнікам Кітайскай Народнай Рэспублікі і Расіі.

Архіў
Пн Аўт Сер Чцв Пт Сб Нядз
Помнікі Вялікай Айчыннай вайны ў Беларусі