Падзеі

"Усе гундзелі, бубнелі". Лукашэнка расказаў, як у падрыхтоўцы беларускіх ваенных улічылі вопыт СВА

Фота з архiва

1 красавіка, Мінск /Кар. БЕЛТА/. Прэзідэнт Беларусі Аляксандр Лукашэнка расказаў, як у падрыхтоўцы ваеннаслужачых улічваецца вопыт расійскай спецыяльнай ваеннай аперацыі. Адпаведныя заявы кіраўнік дзяржавы зрабіў пры падвядзенні вынікаў комплекснай праверкі Узброеных Сіл Рэспублікі Беларусь, перадае карэспандэнт БЕЛТА.

"У сучаснай вайне, паважаныя афіцэры, важна ўсё. Падрыхтоўка афіцэраў - абучэнне, ступень авалодання ваеннаслужачымі даручанай ім зброяй, фізічная падрыхтоўка асабовага складу. Зноў з СВА ад "Вагнера". Яны мяне папярэдзілі: "Аляксандр Рыгоравіч, глядзіце фізічную падрыхтоўку". Яны кажуць: "Мы гэта ўбачылі на вайне". Калі падцягнуты, падрыхтаваны салдат і афіцэр - будуць жыць. Калі яны не могуць бегчы, схавацца, ад кулі ўхіліцца - яны жыць не будуць", - сказаў Прэзідэнт.

"І тады я папрасіў ваенных, каб яны гэтых інструктараў для абучэння нашых ваеннаслужачых паклікалі. І перш за ўсё на гэта адгукнуўся Карпянкоў (намеснік міністра ўнутраных спраў - камандуючы ўнутранымі войскамі Мікалай Карпянкоў. - Заўвага БЕЛТА). Ён прывёў гэтых людзей. І яны паказвалі, ваеннаслужачыя вучыліся. Але ўсе гундзелі, бубнелі: "Вось, што яны там тут паказваюць? Што, мы гэта не ведаем?" - адзначыў Аляксандр Лукашэнка. - Таму фізпадрыхтоўцы ў гэтай праверцы была ўдзелена асаблівая ўвага".

версія для друку

зрабіць стартавай

дабавіць у выбранае