У Беларусь без візы на 30 дзён
Афіцыйны сайт Рэспублікі Беларусь
Улада
Каляндар падзей у Беларусі
Выдатныя мясціны Беларусі
Сусветная спадчына ЮНЕСКА ў Беларусі
Беларускія санаторыі і курорты
Сувеніры з Беларусі
| Галоўная | Улада | Падзеі

Падзеі

6 Сак 2015

УС Беларусі і НАТА абмеркавалі ў Мінску праграму "Партнёрства дзеля міру"

6 сакавіка, Мінск /Кар. БЕЛТА/. Прадстаўнікі Узброеных Сіл Беларусі і НАТА абмеркавалі ў Мінску праграму альянсу "Партнёрства дзеля міру", паведамілі БЕЛТА ў Міністэрстве абароны Беларусі.

З 4 па 6 сакавіка ў адпаведнасці з індывідуальнай праграмай партнёрства і супрацоўніцтва Беларусі і НАТА на 2014-2015 гады ў Мінску прайшлі кансультацыі прадстаўнікоў Узброеных Сіл з дэлегацыяй альянсу па пытаннях удзелу Беларусі ў працэсе планавання і ацэнкі сіл праграмы НАТА "Партнёрства дзеля міру".

Беларускі бок прадаставіў інфармацыю аб будаўніцтве Узброеных Сіл, размеркаванні абароннага бюджэту і выніках падрыхтоўкі УС у 2014 годзе, а таксама дзейнасці Міністэрства абароны ў рамках праграмы "Партнёрства дзеля міру". Быў абмеркаваны праект ацэначнага дакумента "Партнёрства дзеля міру"-2015, падведзены вынікі рэалізацыі прынятых Беларуссю мэт партнёрства, удакладнены практычныя пытанні іх рэалізацыі і намечаны шляхі далейшага ўзаемадзеяння Міністэрства абароны і НАТА.

Беларусь прадставілі эксперты структурных падраздзяленняў Міністэрства абароны, Генеральнага штаба і Узброеных Сіл, а таксама прадстаўнікі Дзяржаўнага сакратарыята Савета Бяспекі, Міністэрства замежных спраў і Міністэрства па надзвычайных сітуацыях.

Дэлегацыю НАТА ўзначаліў прадстаўнік упраўлення планавання сіл дэпартамента абароннай палітыкі і планавання Міжнароднага сакратарыята НАТА Жан-Клод Ганьён. У склад замежнай дэлегацыі ўвайшлі прадстаўнікі Міжнароднага ваеннага штаба НАТА, упраўлення ваеннага супрацоўніцтва Штаба стратэгічнага камандавання НАТА па аперацыях, стратэгічнага камандавання НАТА па трансфармацыі, а таксама прадстаўнікі пасольстваў дзяржаў - членаў НАТА (Латвіі, Літвы) у Беларусі.

Архіў
Пн Аўт Сер Чцв Пт Сб Нядз
Помнікі Вялікай Айчыннай вайны ў Беларусі
Партызанскі летапіс