Афіцыйны сайт Рэспублікі Беларусь
Улада
Выдатныя мясціны Беларусі
Каляндар падзей у Беларусі
Сусветная спадчына ЮНЕСКА ў Беларусі
Беларускія санаторыі і курорты
Сувеніры з Беларусі
| Галоўная | Улада | Падзеі

Падзеі

30 Sep 2019

Урад Беларусі разлічвае на ўдзел Германіі ў развіцці адносін з ЕС

Урад Беларусі разлічвае на ўдзел Германіі ў развіцці адносін з ЕС

30 верасня, Мінск /Кар. БЕЛТА/. Урад разлічвае на ўдзел Германіі ў развіцці адносін Беларусі з Еўрапейскім саюзам, заявіў прэм'ер-міністр Беларусі Сяргей Румас сёння на сустрэчы з паслом Германіі ў Беларусі Манфрэдам Хутэрэрам, перадае карэспандэнт БЕЛТА.

"Разлічваю, што вы на сваёй пасадзе будзеце развіваць добрыя адносіны, якія ў нас апошнім часам складваюцца з Еўрасаюзам. Германія адыгрывае ключавую ролю ў ЕС, і, вядома, ад аўтарытэту Германіі шмат у чым залежыць палітыка Еўрасаюза", - адзначыў Сяргей Румас.

Кіраўнік беларускага ўрада выказаў надзею, што эканамічны складнік будзе прыярытэтам у рабоце новага пасла Германіі. Сяргей Румас звярнуў увагу, што ў Беларусі працуюць больш за 300 кампаній з удзелам германскага капіталу, Германія традыцыйна з'яўляецца буйным гандлёвым партнёрам Беларусі. Разам з тым ён лічыць, што гэта не мяжа для двухбаковага супрацоўніцтва.

"У гандлёва-эканамічных і інвестыцыйных адносін Беларусі і Германіі ёсць яшчэ вялікі патэнцыял. Мы вельмі задаволены тым, як працуе беларуска-германская рабочая група па гандлі і інвестыцыях, і хацелі б, каб гэты станоўчы вопыт узяла рабочая група па навукова-тэхнічным супрацоўніцтве, мы чакаем аднаўлення яе работы. Мы таксама хацелі б, каб больш актыўна працаваў Савет дзелавога супрацоўніцтва. Мы памятаем гады, калі гэта арганізацыя была вельмі актыўнай у развіцці інтарэсаў беларускіх і нямецкіх бізнесменаў", - сказаў Сяргей Румас.

Манфрэд Хутэрэр пацвердзіў, што Германія гатова развіваць гандлёва-эканамічныя і інвестыцыйныя адносіны з Беларуссю, аб гэтым ішла размова ў Мінску ў час X Дня нямецкай эканомікі.

"У апошнія гады нашы адносіны вельмі плённа развіваліся не толькі ў эканамічным плане. У палітычным плане ў нас ёсць вельмі цесны дыялог паміж урадамі, і я вельмі рады, што хутка Макей (міністр замежных спраў Уладзімір Макей. - Заўвага БЕЛТА) прыедзе ў Германію, каб сустрэцца з нямецкім калегам", - сказаў пасол.

Манфрэд Хутэрэр адзначыў, што на трывалым фундаменце бакі змогуць развіваць супрацоўніцтва. "У мінулым мы змаглі справіцца з выклікамі і прадоўжым спраўляцца, але для гэтага патрэбны вельмі трывалы фундамент - эканамічны, сацыяльны", - сказаў ён.

Архіў
Пн Аўт Сер Чцв Пт Сб Нядз
Помнікі Вялікай Айчыннай вайны ў Беларусі