У Беларусь без візы на 30 дзён
Афіцыйны сайт Рэспублікі Беларусь
Выбары Прэзідэнта Рэспублікі Беларусь 9 жніўня 2020 года
Улада
Каляндар падзей у Беларусі
Выдатныя мясціны Беларусі
Сусветная спадчына ЮНЕСКА ў Беларусі
Беларускія санаторыі і курорты
Сувеніры з Беларусі
| Галоўная | Улада | Падзеі

Падзеі

5 Чэр 2020

У Палаце прадстаўнікоў разлічваюць на хуткі візіт аўстрыйскіх парламентарыяў у Беларусь

У Палаце прадстаўнікоў разлічваюць на хуткі візіт аўстрыйскіх парламентарыяў у Беларусь

5 чэрвеня, Мінск /Кар. БЕЛТА/. У Палаце прадстаўнікоў разлічваюць, што аўстрыйскія парламентарыі ў бліжэйшы час наведаюць Беларусь. Аб гэтым сёння заявіў старшыня Палаты прадстаўнікоў Уладзімір Андрэйчанка на сустрэчы з паслом Аўстрыі ў Беларусі Алаізіяй Вергетэр, перадае карэспандэнт БЕЛТА.

Уладзімір Андрэйчанка выказаў надзею, што аўстрыйскія дэпутаты знойдуць магчымасць наведаць Беларусь у бліжэйшы час. "Будзем рады сустрэцца", - сказаў старшыня Палаты прадстаўнікоў.

У жніўні ў Вене запланавана V Сусветная канферэнцыя спікераў парламентаў. "Калі гэта канферэнцыя адбудзецца, мы абавязкова прымем у ёй удзел, - запэўніў спікер. - Нам ёсць аб чым сказаць. Палітыка Беларусі - і ўнутраная, і знешняя - накіравана на ўмацаванне міру, стабільнасці, узаемнага даверу".

Старшыня Нацыянальнага савета Аўстрыі Вольфганг Саботка прапанаваў беларускаму калегу правесці на палях канферэнцыі двухбаковую сустрэчу. "Мы з задавальненнем прымаем гэту прапанову", - адзначыў Уладзімір Андрэйчанка і ў сваю чаргу запрасіў Вольфганга Саботку наведаць Беларусь у зручны для яго час.

Спікер нагадаў, што папярэдняя яго сустрэча з паслом адбылася напярэдадні гістарычнай падзеі - першага афіцыйнага візіту Прэзідэнта Беларусі ў Аўстрыю. Ён адбыўся ў лістападзе 2019 года. "Візіт прайшоў вельмі прадукцыйна, у духу дружбы, адкрытасці, - падкрэсліў Уладзімір Андрэйчанка. - Важна, што быў дасягнуты шэраг прынцыповых дамоўленасцей у галіне эканомікі, прамысловасці, сувязі". Спікер звярнуў увагу, што нават у няпростых умовах пандэміі беларуска-аўстрыйскі тавараабарот у першым квартале бягучага года вырас на 5 працэнтаў у параўнанні з аналагічным перыядам 2019-га.

У час візіту ў Аўстрыю беларускі лідар сустрэўся з Вольфгангам Саботкам. Старшыня Палаты прадстаўнікоў назваў гэта новай старонкай у міжпарламенцкіх адносінах дзвюх краін. У парламенце Аўстрыі ўпершыню створана група дружбы з Беларуссю і ў Палаце прадстаўнікоў пазітыўна ацэньваюць гэты крок. У сваю чаргу ў беларускім парламенце ёсць група дружбы з Аўстрыяй.

Алаізія Вергетэр таксама падкрэсліла значнасць візіту Прэзідэнта Беларусі ў Аўстрыю. "Выступленне Аляксандра Лукашэнкі перад аўстрыйскімі парламентарыямі было адкрытым. Было відаць, наколькі ён гарыць сваёй справай, інтарэсамі Беларусі", - сказала яна. Пасол звярнула ўвагу, што ўсе парламентарыі, якія прысутнічалі на сустрэчы з прэзідэнтам, цяпер з'яўляюцца членамі групы дружбы з Беларуссю.

"Вельмі спадзяюся, што ў максімальна хуткім часе можа адбыцца сустрэча дзвюх парламенцкіх груп, якія адказны за адносіны паміж краінамі", - дадала яна.

Што датычыцца Сусветнай канферэнцыі спікераў, то пасол выказала надзею, што яна ўсё ж адбудзецца. Арганізатары, паводле слоў дыпламата, уважліва адсочваюць эпідэміялагічную сітуацыю. Пакуль канчатковае рашэнне не прынята.

Архіў
Пн Аўт Сер Чцв Пт Сб Нядз
Помнікі Вялікай Айчыннай вайны ў Беларусі
Партызанскі летапіс