Падзеі
У МЗС Беларусі расказалі аб інтэнсіўным непублічным дыялогу з заходнімі калегамі
Фота з архiва
26 мая, Мінск /Кар. БЕЛТА/. У МЗС Беларусі расказалі аб інтэнсіўным непублічным дыялогу з заходнімі калегамі. Адпаведную заяву ў інтэрв'ю тэлеканалу "Першы інфармацыйны" зрабіў намеснік міністра замежных спраў Ігар Сякрэта, перадае карэспандэнт БЕЛТА.
"Дыялог непублічны ідзе апошні год вельмі інтэнсіўна. Мы сустракаемся рэгулярна з калегамі нашымі, дырэктарамі палітдэпартаментаў, намеснікамі міністраў у сталіцах і на пляцоўках міжнародных арганізацый. Ён не афішыруецца. Абмяркоўваецца даволі вялікі спектр пытанняў - ад палітыкі, эканомікі, процістаяння аднабаковым прымусовым мерам. Выказваем свае пазіцыі, меркаванні, спрачаемся, дыскутуем, не ва ўсім згаджаемся", - расказаў Ігар Сякрэта.
Паводле яго слоў, за гэты год пункт гледжання Беларусі сталі ўспрымаць і разумець значна лепш, да яго сталі прыслухоўвацца. "Так, мы не змаглі, можа, ва ўсім змяніць палітыку асобных заходніх дзяржаў. Але тое, што нашы калегі цяпер прадаўжаюць размову ўжо з прывычных і нармальных для нас тэм у эканоміцы, аб узаемадзеянні па лініі культуры, іншых ведамстваў, - гэта ўжо шмат аб чым сведчыць", - адзначыў намеснік міністра.
Ігар Сякрэта звязвае гэтыя працэсы з усведамленнем таго, што чарговыя пакеты санкцый Захаду вычарпалі свой рэсурс. "Бачаць, што эканамічныя страты нясуць у тым ліку прадстаўнікі бізнесу іх краін. І на самай справе ў выбудоўванні нармальных кантактаў і падтрыманні нармальнага, цывілізаванага гандлю пераваг больш, чым у захаванні санкцый", - сказаў ён.
Акрамя таго, намеснік міністра звярнуў увагу, што ўсіх у рэгіёне хвалююць і пытанні глабальнай бяспекі.
Каменціруючы праведзеную нядаўна па ініцыятыве французскага боку тэлефонную размову прэзідэнтаў Беларусі і Францыі Аляксандра Лукашэнкі і Эмануэля Макрона, намеснік кіраўніка МЗС адзначыў, што гэта ў любым выпадку на карысць. Гэта дае сігнал і даволі сур'ёзны імпульс, каб у далейшым тыя або іншыя пытанні былі адпрацаваны на ўзроўні канкрэтных ведамстваў.
версія для друку
зрабіць стартавай
дабавіць у выбранае