Падзеі

У Мінску плануюць пераўтварыць сістэму аказання хуткай дапамогі: замест адной БХМД будуць тры цэнтры

Фота з архiва

3 красавіка, Мінск /Кар. БЕЛТА/. У Мінску плануецца пераўтварыць сістэму аказання хуткай медыцынскай дапамогі. Аб такіх планах далажыў Прэзідэнту Беларусі Аляксандру Лукашэнку ў час наведвання новай 42-й паліклінікі ў мікрараёне Усходні старшыня Мінгарвыканкама Уладзімір Кухараў, перадае карэспандэнт БЕЛТА. 

Пацыентаў, якія маюць патрэбу ў экстраннай дапамозе, цяпер накіроўваюць у Гарадскую клінічную бальніцу хуткай медыцынскай дапамогі (БХМД). Паводле слоў кіраўніка Мінска, гэту сістэму прапануецца пераўтварыць з тым, каб разгрузіць гэту клініку, больш раўнамерна размеркаваўшы патокі пацыентаў, і зрабіць дапамогу больш даступнай для грамадзян з розных раёнаў сталіцы.

"Каб там не было вялікай колькасці людзей, мы адпрацавалі пытанне падзяліць горад на тры часткі і пабудаваць тры флагманскія цэнтры - гэта будуць прыбудовы да існуючых", - растлумачыў Уладзімір Кухараў.

Тры названыя цэнтры - гэта Мінскі навукова-практычны цэнтр хірургіі, транспланталогіі і гематалогіі (будуць абслугоўвацца тры раёны горада), 10-я гарадская клінічная бальніца і БХМД.

версія для друку

зрабіць стартавай

дабавіць у выбранае