У Беларусь без візы на 30 дзён
Афіцыйны сайт Рэспублікі Беларусь
Улада
Каляндар падзей у Беларусі
Выдатныя мясціны Беларусі
Сусветная спадчына ЮНЕСКА ў Беларусі
Беларускія санаторыі і курорты
Сувеніры з Беларусі
| Галоўная | Улада | Падзеі

Падзеі

11 Лют 2015

У Мінску перад самітам не выключана сустрэча кіраўнікоў МЗС у "нармандскім фармаце"

11 лютага, Мінск /БЕЛТА - ТАСС/. У Мінску перад самітам не выключана сустрэча кіраўнікоў МЗС у "нармандскім фармаце" (РФ, ФРГ, Францыя, Украіна). Аб гэтым паведаміла сёння ТАСС крыніца, блізкая да перагавораў.

"Правядзенне такой сустрэчы не выключана", - пацвердзіў субяседнік.

Планы прыбыцця ў сталіцу Беларусі пацверджаны ўжо з боку міністраў замежных спраў ФРГ, Францыі і Расіі.

У Мінску 11 лютага адбудзецца саміт "нармандскай чацвёркі". Прэзідэнты Расіі Уладзімір Пуцін, Украіны Пётр Парашэнка, Францыі Франсуа Арланд і канцлер Германіі Ангела Меркель плануюць абмеркаваць у Мінску прапановы па плане ўрэгулявання ўкраінскага крызісу. На думку экспертаў, гэта сустрэча можа стаць кульмінацыяй напружаных шматбаковых намаганняў у пошуку вырашэння сітуацыі ва Украіне.

Для асвятлення сустрэчы акрэдытаваны звыш 500 журналістаў. Гэта прадстаўнікі вядучых сусветных СМІ з Расіі, ЗША, Францыі, Вялікабрытаніі, Германіі, Кітая, Кубы. Маючае адбыцца мерапрыемства таксама будуць асвятляць журналісты з Украіны, Японіі, Чэхіі, Польшчы, Катара, Нідэрландаў, Іспаніі, Грузіі, Нарвегіі, Швейцарыі, Італіі.

Архіў
Пн Аўт Сер Чцв Пт Сб Нядз
Помнікі Вялікай Айчыннай вайны ў Беларусі