Падзеі

У Мінску назвалі чаканай рэакцыю Захаду на саміт ШАС у Кітаі

Фота з архiва

6 верасня, Мінск /Кар. БЕЛТА/. Прэс-сакратар Прэзідэнта Беларусі Наталля Эйсмант назвала чаканай рэакцыю Захаду на саміт Шанхайскай арганізацыі супрацоўніцтва ў Кітаі. Аб гэтым яна заявіла ў інтэрв'ю тэлеканалу "Першы інфармацыйны", паведамляе БЕЛТА.

Прэс-сакратара спыталі, як рэагаваць на заходнія ўкіды, якія характарызавалі сустрэчу ў Кітаі як "сход аўтакратаў" або "вось зла", у той час як айчынныя эксперты, наадварот, гаварылі, што гэта "вось дабра".

"Правільна сказалі нашы эксперты", - пагадзілася Наталля Эйсмант.

Яна расказала, што традыцыйна кожную раніцу, у тым ліку ў камандзіроўках, Прэзідэнту на стол кладуць агляд усіх сусветных СМІ, дзе акцэнт робіцца на рэакцыю на праведзеныя мерапрыемствы і ўдзел у іх кіраўніка дзяржавы. Бачылі рэакцыю з боку Захаду і ў гэтым выпадку.

"Рэакцыя цалкам і абсалютна чаканая. Напэўна, мы павінны былі б здзівіцца, калі б яе не было або яна была б іншай, - сказала Наталля Эйсмант. - Яна ў першую чаргу падкрэслівае тое, наколькі на Захадзе заклапочаны тым, што адбываецца ў нашай арганізацыі. Па-другое, яна цудоўна дэманструе і пацвярджае нам зноў і зноў, што мы ідзём туды, куды трэба".

"Самы яскравы, свежы прыклад: літаральна толькі што ў Генасамблеі ААН галасавалі па пытанні супрацоўніцтва з ШАС. Рэзалюцыю прынялі. 27 краін супраць, 28 - устрымаліся. Якія краіны супраць, якія ўстрымаліся, - усе ўжо бачылі. І гэта таксама сам па сабе факт красамоўны", - дадала прэс-сакратар.

версія для друку

зрабіць стартавай

дабавіць у выбранае