Падзеі

У МНС з саветнікам пасольства Японіі абмеркавалі пытанні пераадолення наступстваў аварый на АЭС

Фота МНС

24 сакавіка, Мінск /Кар. БЕЛТА/. Сустрэча начальніка ўпраўлення міжнароднага супрацоўніцтва МНС Дзмітрыя Ткачука і саветніка пасольства Японіі ў Беларусі Таманоры Хасэгавы па пытаннях пераадолення наступстваў аварый на атамных электрастанцыях прайшла сёння на базе адукацыйнага цэнтра бяспекі жыццядзейнасці МНС, паведамілі БЕЛТА ў ведамстве.

Сустрэча адбылася па ініцыятыве японскага боку. Удзельнікі абмеркавалі магчымасць аднаўлення беларуска-японскага супрацоўніцтва ў сферы пераадолення наступстваў радыяцыйных аварый, у прыватнасці, у рамках сумеснага камітэта па рэалізацыі міжурадавага пагаднення ў гэтай сферы. "З моманту свайго стварэння ў 2013 годзе работа камітэта ішла даволі актыўна: адбылося некалькі пасяджэнняў, на якіх разглядаліся пытанні аднаўлення радыяцыйна забруджаных тэрыторый", - адзначылі ў МНС.

Пасля аварыі на японскай АЭС "Фукусіма-1" узаемадзеянне таксама мела інтэнсіўны характар. "Беларусь аказала Японіі гуманітарную дапамогу для пераадолення наступстваў аварыі. А таксама было аказана ўсё неабходнае садзейнічанне па запыце японскага боку ў вывучэнні беларускага вопыту ліквідацыі наступстваў Чарнобыльскай катастрофы. У той перыяд Беларусь наведалі больш як 50 дэлегацый і звыш 400 экспертаў", - дадалі ў МНС.

Сёння былі дасягнуты дамоўленасці аб прадаўжэнні кантактаў па пытаннях рэалізацыі пагаднення аб супрацоўніцтве па пераадоленні наступстваў аварый на АЭС.

версія для друку

зрабіць стартавай

дабавіць у выбранае