Афіцыйны сайт Рэспублікі Беларусь
Улада
Каляндар падзей у Беларусі
Выдатныя мясціны Беларусі
Сусветная спадчына ЮНЕСКА ў Беларусі
Беларускія санаторыі і курорты
Сувеніры з Беларусі
| Галоўная | Улада | Падзеі

Падзеі

12 Feb 2016

У Беларусі зацверджана дзяржпраграма аб сацыяльнай абароне і садзейнічанні занятасці насельніцтва на пяцігоддзе

12 лютага, Мінск /Алена Прус - БЕЛТА/. У Беларусі зацверджана Дзяржаўная праграма аб сацыяльнай абароне і садзейнічанні занятасці насельніцтва на 2016-2020 гады. Адпаведнае рашэнне змешчана ў пастанове Савета Міністраў ад 30 студзеня 2016 года нумар 73, апублікаваным на Нацыянальным прававым інтэрнэт-партале.

Каменціруючы гэты дакумент, у Міністэрстве працы і сацыяльнай абароны адзначылі, што адным з прыярытэтаў дзяржаўнай палітыкі з'яўляецца стварэнне ўмоў для якаснага развіцця чалавечага патэнцыялу, здаровага і дастойнага жыцця насельніцтва. На гэта і накіравана новая дзяржпраграма. Яе мэта - развіццё сістэмы сацыяльнай абароны насельніцтва пры дапамозе павышэння эфектыўнасці палітыкі занятасці, паляпшэння ўмоў аховы працы, стварэння безбар'ернага асяроддзя жыццядзейнасці, забеспячэння сацыяльнай інтэграцыі інвалідаў і пажылых людзей.

Паводле слоў спецыялістаў, будзе рэалізаваны комплекс мерапрыемстваў, які дасць магчымасць захаваць узровень рэгіструемага беспрацоўя ў межах 1,5-2 працэнты да колькасці эканамічна актыўнага насельніцтва; знізіць вытворчы траўматызм і прафесійную захваральнасць; стабілізаваць паказчык цяжару першаснай інваліднасці асоб працаздольнага ўзросту; павялічыць колькасць даступных для інвалідаў і фізічна аслабленых асоб прыярытэтных аб'ектаў сацыяльнай сферы жыццядзейнасці; забяспечыць слабаабароненых грамадзян тэхнічнымі сродкамі сацыяльнай рэабілітацыі і сацыяльнымі паслугамі.

Дзяржаўная праграма ўключае пяць падпраграм: "Садзейнічанне занятасці насельніцтва", "Ахова працы", "Папярэджанне інваліднасці і рэабілітацыя інвалідаў", "Безбар'ернае асяроддзе жыццядзейнасці інвалідаў і фізічна аслабленых асоб", "Сацыяльная інтэграцыя інвалідаў і пажылых грамадзян".

Архіў
Пн Аўт Сер Чцв Пт Сб Нядз
Помнікі Вялікай Айчыннай вайны ў Беларусі