Падзеі

У Беларусі распрацаваны законапраект аб неплацежаздольнасці

Фота з архiва

20 красавіка, Мінск /Кар. БЕЛТА/. У Беларусі распрацаваны законапраект аб неплацежаздольнасці. Яго грамадскае абмеркаванне праводзіцца на сайце Палаты прадстаўнікоў, паведамляе БЕЛТА.

Арганізатарам грамадскага абмеркавання выступае Пастаянная камісія па эканамічнай палітыцы. Свае заўвагі і прапановы адносна законапраекта можна накіраваць да 29 красавіка на электронны адрас project_bankrotstvo@house.gov.by. У парламенце адзначылі, што яны не разглядаюцца ў парадку, вызначаным законам "Аб зваротах грамадзян і юрыдычных асоб".

У праекце закона ўстанаўліваюцца падставы для прызнання судом, які разглядае эканамічныя справы, даўжніка неплацежаздольным, рэгулююцца парадак і ўмовы вядзення па такіх справах. Прапісаны таксама меры па папярэджанні неплацежаздольнасці.

У асобным артыкуле ў законапраекце ўрэгулявана абарона інтарэсаў работнікаў даўжніка. Так, гарантавана, што антыкрызісны кіраўнік будзе захоўваць усе іх правы і абавязкі, якія прадастаўляюцца заканадаўствам. "Заключэнне новых працоўных дагавораў (кантрактаў) і калектыўнага дагавора, унясенне змяненняў, дапаўненняў у гэтыя дагаворы або іх спыненне ажыццяўляюцца антыкрызісным кіраўніком у адпаведнасці з заканадаўствам аб працы. Пры гэтым павелічэнне спісачнай колькасці і штату работнікаў, заключэнне новых працоўных дагавораў (кантрактаў) узгадняюцца антыкрызісным кіраўніком са сходам (камітэтам) крэдытораў, за выключэннем выпадку, калі колькасць работнікаў застаецца ў межах штатнай колькасці, устаноўленай на дзень прыняцця рашэння аб санацыі. Заключэнне новага калектыўнага дагавора ўзгадняецца антыкрызісным кіраўніком са сходам (камітэтам) крэдытораў", - сказана ў законапраекце.

Антыкрызісны кіраўнік можа павялічыць колькасць і штат работнікаў, заключыць новыя працоўныя дагаворы, кантракты і калектыўны дагавор да першага сходу крэдытораў, але з далейшым паведамленнем аб гэтым і абгрунтаваннем неабходнасці такіх дзеянняў.

Парадак абавязковага страхавання нявыплаты зарплаты наймальнікам, юрыдычнай асобай або індывідуальным прадпрымальнікам, у адносінах да якіх узбуджана справа аб неплацежаздольнасці, устанаўлівае Прэзідэнт.

У адносінах да неплацежаздольнага даўжніка суд выносіць рашэнне аб санацыі, аб адкрыцці ліквідацыйнага вядзення па справе.

версія для друку

зрабіць стартавай

дабавіць у выбранае