Афіцыйны сайт Рэспублікі Беларусь
Улада
Каляндар падзей у Беларусі
Выдатныя мясціны Беларусі
Сусветная спадчына ЮНЕСКА ў Беларусі
Беларускія санаторыі і курорты
Сувеніры з Беларусі
| Галоўная | Улада | Падзеі

Падзеі

18 Май 2020

У Беларусі праходзяць тактычныя вучэнні з падраздзяленнямі ракетных войскаў УС

У Беларусі праходзяць тактычныя вучэнні з падраздзяленнямі ракетных войскаў УС
Фота Міністэрства абароны

18 мая, Мінск /Кар. БЕЛТА/. Тактычныя вучэнні з падраздзяленнямі ракетных войскаў праводзяцца з 16 па 23 мая пад агульным кіраўніцтвам начальніка ракетных войскаў і артылерыі Узброеных Сіл - начальніка ўпраўлення ракетных войскаў і артылерыі Генштаба УС. Аб гэтым БЕЛТА паведамілі ў Міністэрстве абароны.

Мэта вучэнняў - ацэнка ўзроўню падрыхтоўкі падраздзяленняў ракетных войскаў па выніках першага паўгоддзя. Вучэнні маюць комплексны характар і праводзяцца на адзіным аператыўным фоне. Яны дадуць магчымасць праверыць здольнасць камандзіраў падраздзяленняў кіраваць, а падначаленых аператыўна выконваць пастаўленыя задачы ў складанай, хутказменлівай абстаноўцы. Для правядзення вучэнняў задзейнічаны палігоны Гожскі, Брэсцкі, авіяцыйны палігон Нёман, а таксама ўчастак мясцовасці паблізу Астраўца.

Будуць адпрацоўвацца такія пытанні, як перамяшчэнне падраздзяленняў у раёны выканання вучэбна-баявых задач камбінаваным спосабам, заняцце раёнаў сканцэнтравання, іх маскіроўка, арганізацыя аховы і абароны, а таксама падрыхтоўка да вядзення баявых дзеянняў, заняцце стартавых пазіцый, нясенне баявога дзяжурства, нанясенне ракетных удараў са зменай стартавых пазіцый.

Галоўнай задачай у час правядзення тактычных вучэнняў з'яўляецца ўдасканаленне баявога зладжвання і палявой вывучкі падраздзяленняў ракетных войскаў пры выкананні вучэбна-баявых задач.

Архіў
Пн Аўт Сер Чцв Пт Сб Нядз
Помнікі Вялікай Айчыннай вайны ў Беларусі