Падзеі

У Беларусі прайшоў рытуал заступлення на баявое дзяжурства "Арэшніка"

Video screenshots

30 снежня, Мінск /Кар. БЕЛТА/. Прайшоў рытуал заступлення ракетнага комплексу "Арэшнік" на баявое дзяжурства ў Беларусі. Аб гэтым БЕЛТА паведамілі ў прэс-службе Міністэрства абароны.

У абаронным ведамстве нагадалі, што расійскі ракетны комплекс "Арэшнік" прыбыў у Беларусь у рамках рэалізацыі прынятага кіраўнікамі Беларусі і Расіі рашэння.

"Спецыялісты баявых разлікаў пуску, сувязі, аховы і энергазабеспячэння, а таксама механікі-вадзіцелі агрэгатаў ракетнага комплексу перад заступлением на баявое дзяжурства прайшлі перападрыхтоўку на сучасных вучэбна-трэніровачных сродках. Пасля прывядзення комплексу ў гатоўнасць да выкарыстання па прызначэнні і праверкі яго сумеснай комплекснай групай, ракетны дывізіён "Арэшнік" пачаў выкананне задач баявога дзяжурства ў назначаных раёнах на тэрыторыі нашай краіны", - расказалі ў Мінабароны.

У ведамстве нагадалі, што комплекс можа паражаць цэлі на далёкасцях да 5 тыс. км, можа аснашчацца як звычайнай, так і спецыяльнай баявой часткай, выконваць пускі з любога пункта маршруту баявога патрулявання.

На другім пасяджэнні VII Усебеларускага народнага сходу 19 снежня Прэзідэнт Беларусі Аляксандр Лукашэнка заявіў, што ракетны комплекс больш чым напалову беларускай вытворчасці. Акрамя таго, на III Мінскай міжнароднай канферэнцыі па еўразійскай бяспецы 28 кастрычніка Прэзідэнт Беларусі назваў прычыну размяшчэння ў краіне "Арэшніка". "Размяшчэнне гэтай зброі ў Беларусі не што іншае, як мера ў адказ на эскалацыю сітуацыі ў рэгіёне і сучасныя пагрозы. Калі ласка, давайце ад гэтага адыдзем, і размовы пра "Арэшнік" спыняцца. Але не хочуць. Мы нікому не пагражаем, толькі забяспечваем сваю бяспеку. Больш таго, заўсёды адкрыты да канструктыўнага дыялогу і ўзаемных крокаў па зніжэнні напружанасці. Калі нашы партнёры на Захадзе да гэтага гатовы, ні мы, ні Расія ў даўгу не застанёмся", - заявіў тады кіраўнік дзяржавы.

версія для друку

зрабіць стартавай

дабавіць у выбранае