У Беларусь без візы на 30 дзён
Афіцыйны сайт Рэспублікі Беларусь
Улада
Каляндар падзей у Беларусі: КАСТРЫЧНІК 2020
Выдатныя мясціны Беларусі
Сусветная спадчына ЮНЕСКА ў Беларусі
Беларускія санаторыі і курорты
Сувеніры з Беларусі
| Галоўная | Улада | Падзеі

Падзеі

18 Снж 2019

У Адміністрацыі Прэзідэнта расказалі, якім бачаць новы Кодэкс аб адміністрацыйных правапарушэннях

У Адміністрацыі Прэзідэнта расказалі, якім бачаць новы Кодэкс аб адміністрацыйных правапарушэннях

18 снежня, Мінск /Кар. БЕЛТА/. У новым Кодэксе аб адміністрацыйных правапарушэннях плануецца перагледзець некаторыя санкцыі і правапрымяняльную практыку. Аб гэтым сёння паведаміла намеснік кіраўніка Адміністрацыі прэзідэнта Вольга Чупрыс у час рэспубліканскай каардынацыйнай нарады па барацьбе са злачыннасцю і карупцыяй, перадае карэспандэнт БЕЛТА.

Паводле слоў Вольгі Чупрыс, работа над праектамі Кодэкса аб адміністрацыйных правапарушэннях і Працэсуальна-выканаўчага кодэкса аб адміністрацыйных правапарушэннях вядзецца вельмі актыўна. Да яе падключаны кіраўнікі дзяржаўных органаў, парламентарыі, вучоныя, юрысты-практыкі.

"Мы чакаем істотнага выніку па распрацоўцы двух зусім новых кодэксаў, - адзначыла Вольга Чупрыс. - Нам неабходна вызначыцца, як мы падзелім адміністрацыйныя правапарушэнні. Яны будуць градзіраваны на некалькі відаў па аналогіі з Крымінальным кодэксам: менш цяжкія, больш цяжкія".

У новым КоАП будуць перагледжаны санкцыі, некаторыя з іх стануць мякчэйшыя. Магчыма, асобныя правапарушэнні стануць лічыцца нязначнымі і пазбавяцца падстаў для прыцягнення да адказнасці. Такая норма ёсць і сёння, але, паводле слоў намесніка кіраўніка Адміністрацыі, яна працуе не зусім добра.

Цяпер вывучаецца практыка прыцягнення да адказнасці. Эксперты лічаць, што адміністрацыйны працэс павінен быць больш хуткім і не павінен выклікаць цяжкасці. "Калі, напрыклад, грамадзянін гатовы аплаціць штраф на месцы, то гэта не павінна быць перашкодай для яго далейшага прасоўвання па службе: ён прызнаў віну, і гэта не з'яўляецца тым правапарушэннем, якое павінна прывесці для яго да сур'ёзных наступстваў", - растлумачыла Вольга Чупрыс.

Акрамя таго, у асобным раздзеле кодэкса хочуць абагульніць работу, звязаную з выкарыстаннем тэхнічных сродкаў фіксацыі правапарушэнняў. "Цяпер гэтыя нормы разрозненыя. Калі яны будуць згрупаваны, то практыка пойдзе ўжо іншым шляхам: адкрыў, паглядзеў, аператыўна прымяніў", - сказала намеснік кіраўніка Адміністрацыі.

Як паведамлялася, 16 снежня Прэзідэнт правёў нараду па пытаннях прымянення мер адміністрацыйнай адказнасці. Аляксандр Лукашэнка падкрэсліў: галоўным крытэрыем работы павінна быць не колькасць выяўленых парушэнняў і выпісаных штрафаў, а прафілактычнае ўздзеянне і рэальнае скарачэнне адміністрацыйных правіннасцей.

Ён адзначыў, што дзеючы Кодэкс аб адміністрацыйных правапарушэннях выкарыстоўвае пераважна карны спосаб вырашэння любых канфліктных сітуацый - так склалася яшчэ ў савецкі час. "А гэта ж фарміруе ў грамадстве меркаванне аб празмернай жорсткасці і нават жорсткасці органаў улады і ўлады наогул, а часта і відавочнай несправядлівасці практыкі прымянення адміністрацыйных санкцый", - звярнуў увагу кіраўнік дзяржавы.

За 12 гадоў дзеяння КоАП прынята 115 законаў, на падставе якіх у яго ўнесена больш за 1,4 тыс. карэкціровак. Пры такіх акалічнасцях дэвальвуецца павага да закона, лічыць Прэзідэнт. На яго думку, важна забяспечыць стабільнасць адміністрацыйнага заканадаўства, а таксама рэалізацыю прафілактычных мер, накіраваных на папярэджанне правапарушэнняў.

Архіў
Пн Аўт Сер Чцв Пт Сб Нядз
Помнікі Вялікай Айчыннай вайны ў Беларусі
Партызанскі летапіс