Падзеі

Турчын накіраваўся з афіцыйным візітам у Расію

Фота з архiва

7 красавіка, Мінск /Кар. БЕЛТА/. 7 красавіка стартуе афіцыйны візіт прэм'ер-міністра Аляксандра Турчына ў Расійскую Федэрацыю, дзе пройдуць перагаворы са старшынёй урада Расіі Міхаілам Мішусціным, паведамілі БЕЛТА ў прэс-службе ўрада.

Перад пачаткам перагавораў плануецца ўдзел кіраўніка беларускага ўрада ў цырымоніі ўскладання вянка да Магілы Невядомага Салдата.

Урадавая дэлегацыя Беларусі накіравалася ў Расію для абмеркавання розных пытанняў развіцця двухбаковага супрацоўніцтва. У тым ліку Турчын не выключыў магчымасці абмеркавання з Расіяй новага крэдыту на сумесныя імпартазамяшчальныя праекты. Важнымі ў рамках візіту стануць і тэмы актывізацыі лічбавага парадку дня, завяршэння работы па стварэнні аб'яднаных энергетычных рынкаў, фарміраванні адзінай прамысловай палітыкі, далейшай уніфікацыі рэгулявання транспартнага рынку, выраўноўванні ўмоў дзейнасці суб'ектаў гаспадарання.

версія для друку

зрабіць стартавай

дабавіць у выбранае