У Беларусь без візы на 30 дзён
Афіцыйны сайт Рэспублікі Беларусь
Улада
Каляндар падзей у Беларусі: КАСТРЫЧНІК 2020
Выдатныя мясціны Беларусі
Сусветная спадчына ЮНЕСКА ў Беларусі
Беларускія санаторыі і курорты
Сувеніры з Беларусі
| Галоўная | Улада | Падзеі

Падзеі

10 Май 2017

Транспартнае і лагістычнае супрацоўніцтва ў ЦЕІ абмяркуюць на канферэнцыі ў Мінску

10 мая, Мінск /Кар. БЕЛТА/. Транспартнае і лагістычнае супрацоўніцтва ў рэгіёне Цэнтральна-Еўрапейскай ініцыятывы (ЦЕІ) абмяркуюць на міністэрскай канферэнцыі "Наводзячы масты паміж Еўропай і Азіяй" у Мінску 8 чэрвеня, паведамляе БЕЛТА са спасылкай на інфармацыю, размешчаную на афіцыйным сайце Міністэрства транспарту і камунікацый.

Мэта канферэнцыі - прадастаўленне платформы для прэзентацый праектаў у сферы транспарту і лагістыкі, абмеркавання прымяняемых тэхналогій, практык і вынікаў, вынясення рэкамендацый па іх выкананні і прымяненні, а таксама стварэнне пляцоўкі для абмеркавання планаў і далейшага магчымага супрацоўніцтва.

Тэматычныя панэлі гэтага мерапрыемства будуць сфакусіраваны на мадэрнізацыі транспартнай і лагістычнай інфраструктуры ва ўвязцы са стратэгіямі ЕС па развіцці транс'еўрапейскіх транспартных калідораў з прыцягненнем рэсурсаў міжнародных фінансавых інстытутаў; на спрашчэнні гандлю праз гарманізацыю мытных працэдур, правіл паходжання і ацэнкі кошту тавараў, мер тарыфнага і нетарыфнага рэгулявання, прамысловых, санітарных і фітасанітарных стандартаў (у тым ліку ў кантэксце выбудоўвання ўзаемадзеяння паміж ЕС і ЕАЭС).

Акрамя таго, будзе абмяркоўвацца развіццё канцэпцыі так званых лічбавых транспартных калідораў праз развіццё сістэм бездакументарнага гандлю, узаемнае прызнанне электронных таварасуправаджальных дакументаў, электронных гандлёвых пляцовак для малога і сярэдняга бізнесу, трансгранічных лічбавых паслуг (таксама з улікам беларускай ініцыятывы па гарманізацыі лічбавых рынкаў краін - членаў ЕС і краін - удзельніц "Усходняга партнёрства").

Міністэрская канферэнцыя пройдзе пад эгідай старшынства Беларусі ў Цэнтральна-Еўрапейскай ініцыятыве.

Архіў
Пн Аўт Сер Чцв Пт Сб Нядз
Помнікі Вялікай Айчыннай вайны ў Беларусі
Партызанскі летапіс