Падзеі

4 чэрвеня, Мінск /Аліна Грышкевіч - БЕЛТА/. Сустрэча прэзідэнтаў Беларусі і Манголіі Аляксандра Лукашэнкі і Халтмаагійн Батулгі можа адбыцца ў бліжэйшыя дні ў кітайскім Цындаа. Аб гэтым паведаміў сёння журналістам міністр замежных спраў Манголіі Дамдзіны Цогтбаатар па выніках сустрэчы з кіраўніком беларускага МЗС Уладзімірам Макеем, перадае карэспандэнт БЕЛТА.

У сваю чаргу Уладзімір Макей расказаў, што ў ліку плануемых да абмеркавання пытанняў на сустрэчы прэзідэнтаў дзвюх краін у час саміту Шанхайскай арганізацыі супрацоўніцтва - развіццё палітычнага дыялогу, а таксама гандлёва-эканамічнага супрацоўніцтва. Паводле слоў міністра замежных спраў Беларусі, могуць быць закрануты і іншыя тэмы, напрыклад гуманітарнага супрацоўніцтва. Ён канстатаваў, што цяпер толькі 5 студэнтаў з Манголіі навучаюцца ў Беларусі, што, вядома, вельмі мала.

Акрамя таго, Уладзімір Макей адзначыў, што Беларусь і Манголія прапрацоўваюць да падпісання ў перспектыве шэраг двухбаковых дакументаў.