Падзеі

Супрацоўніцтва Беларусі і Швейцарыі ў спорце абмеркавалі ў НАК

Фота НАК

19 чэрвеня, Мінск /Кар. БЕЛТА/. Прэзідэнт НАК Беларусі Віктар Лукашэнка сустрэўся з ганаровым консулам Рэспублікі Беларусь у швейцарскім Люцэрне Германам Александэрам Бейелерам. Аб гэтым паведамілі БЕЛТА ў прэс-службе НАК.

У штаб-кватэры Нацыянальнага алімпійскага камітэта бакі абмеркавалі магчымасці пашырэння беларуска-швейцарскага супрацоўніцтва ў галіне спорту і алімпійскага руху, а таксама ў сферах культуры і навукі.

"У Беларусі ведаюць аб насычанай і плённай рабоце ганаровага консула на карысць абедзвюх краін, у прыватнасці, вы цесна супрацоўнічаеце з Беларускім лыжным саюзам. У цяперашні складаны час ажыццяўляць гэту дзейнасць няпроста, таму мы высока цэнім напрамкі, якія вы падтрымліваеце. Вы даказалі, што з'яўляецеся вялікім сябрам Беларусі і гатовы працаваць для нашых краін у любых умовах", - адзначыў кіраўнік НАК.

Герман Александэр Бейелер у сваю чаргу выказаў намер пашыраць узаемадзеянне ў сферы спартыўнай медыцыны, назваўшы гэты напрамак лакаматывам для ўсёй галіны. Таксама ганаровы консул наведаў музейную экспазіцыю НАК і азнаёміўся з багатай гісторыяй беларускага спорту.

версія для друку

зрабіць стартавай

дабавіць у выбранае