Падзеі

5 красавіка, Мінск /Кар. БЕЛТА/. Эксперты Сусветнага банка і Міжнароднага валютнага фонду прыбылі сёння ў Беларусь для сумеснай работы, паведамілі карэспандэнту БЕЛТА ў прадстаўніцтве МВФ у Мінску.

"Сумесная місія МВФ і Сусветнага банка будзе працаваць у Беларусі з 5 па 21 красавіка", - удакладнілі спецыялісты. У час знаходжання ў Беларусі прадстаўнікі МВФ і Сусветнага банка плануюць правесці ацэнку фінансавага сектара краіны.

Міжнародны валютны фонд - спецыялізаваная ўстанова ААН са штаб-кватэрай у Вашынгтоне (ЗША), створаны ў 1945 годзе. Беларусь з'яўляецца членам МВФ з 1992 года.

Членам Сусветнага банка Беларусь стала таксама ў 1992 годзе. За час супрацоўніцтва рэспубліцы былі выдзелены крэдытныя рэсурсы ў памеры $1,88 млрд. Акрамя гэтага, шэраг праграм атрымалі падтрымку за кошт грантавага фінансавання. Бягучы інвестыцыйны партфель уключае дзевяць праектаў на агульную суму $998 млн.