У Беларусь без візы на 30 дзён
Афіцыйны сайт Рэспублікі Беларусь
Год малой радзімы ў Беларусі
Улада
Каляндар падзей у Беларусі
Выдатныя мясціны Беларусі
Сусветная спадчына ЮНЕСКА ў Беларусі
Беларускія санаторыі і курорты
Сувеніры з Беларусі
| Галоўная | Улада | Падзеі

Падзеі

14 Снж 2015

Снапкоў узначаліў беларускую дэлегацыю ў Савеце кіраўнікоў урадаў ШАС

14 снежня, Мінск /Кар. БЕЛТА/. Намеснік кіраўніка Адміністрацыі Прэзідэнта Беларусі, старшыня беларускай часткі Беларуска-кітайскага міжурадавага камітэта па супрацоўніцтве Мікалай Снапкоў узначаліў беларускую дэлегацыю, якая ўпершыню з моманту набыцця Беларуссю статусу наглядальніка пры Шанхайскай арганізацыі супрацоўніцтва (ШАС) прымае ўдзел у Савеце кіраўнікоў урадаў краін - членаў ШАС. Аб гэтым БЕЛТА паведамілі ў прэс-службе Міністэрства замежных спраў.

Мерапрыемства праходзіць 14-15 снежня ў горадзе Чжэнчжоу кітайскай правінцыі Хэнань. У склад дэлегацыі Беларусі таксама ўваходзяць міністр эканомікі, старшыня беларускай часткі Беларуска-кітайскай камісіі па гандлёва-эканамічным супрацоўніцтве Уладзімір Зіноўскі, намеснік міністра замежных спраў Валянцін Рыбакоў, Надзвычайны і Паўнамоцны Пасол Беларусі ў Кітаі Віктар Бура.

"Беларусь прымае ўдзел у мерапрыемстве з мэтай практычнай адпрацоўкі механізма ўзаемадзеяння з ШАС на высокім узроўні, а таксама абмеркавання канкрэтных напрамкаў шматбаковага супрацоўніцтва ў межах арганізацыі", - растлумачылі ў МЗС.

Плануецца, што ў час пашыранага пасяджэння савета з удзелам дзяржаў-наглядальнікаў 15 снежня Мікалай Снапкоў выступіць з прамовай, у якой абазначыць пазіцыі Беларусі наконт сумеснага пашырэння праекта эканамічнага пояса Шаўковага шляху, а таксама выкажа прапановы па перспектыўных напрамках удзелу Беларусі ў механізмах і праектах ШАС.

Савет кіраўнікоў урадаў (прэм'ер-міністраў) краін - членаў ШАС з'яўляецца адным з органаў, які прымае бюджэт, а таксама разглядае і вырашае асноўныя пытанні, што адносяцца да канкрэтных, у асаблівасці эканамічных, сфер развіцця ўзаемадзеяння ў ШАС. Савет збіраецца на пасяджэнні штогод. У бягучым годзе яго старшынёй будзе прэм'ер Дзяржсавета Кітая Лі Кэцян. Галоўнымі тэмамі пасяджэння стануць перспектывы і меры па развіцці супрацоўніцтва ШАС у галіне гандлю, эканомікі, фінансаў, транспартна-камунікацыйнай сферы ў святле ініцыятывы эканамічнага пояса Шаўковага шляху.

Набыццё ў ліпені 2015 года статусу наглядальніка ў ШАС ужо дало магчымасць Беларусі больш актыўна і на новым узроўні падключыцца да работы арганізацыі па многіх напрамках.

У МЗС нагадалі, што пасля ліпеньскага саміту ва Уфе дэлегацыі Беларусі прынялі ўдзел у нарадзе на ўзроўні кіраўнікоў сакратарыятаў Саветаў бяспекі, генеральных пракурораў, старшынь вярхоўных судоў, міністраў юстыцыі, эканомікі, культуры, транспарту. У верасні 2015 года Беларусь маштабна прадставіла нацыянальную экспазіцыю на 1-й выстаўцы тавараў краін Шанхайскай арганізацыі супрацоўніцтва ў кітайскім горадзе Сіань.

Па выніках удзелу ў сёмай нарадзе міністраў транспарту ШАС беларускі бок выказаў гатоўнасць далучыцца да пагаднення паміж урадамі дзяржаў - членаў ШАС аб стварэнні спрыяльных умоў для міжнародных аўтамабільных перавозак ад 12 верасня 2014 года. Акрамя таго, місія наглядальнікаў ад ШАС на чале з генеральным сакратаром арганізацыі Дзмітрыем Мезенцавым упершыню ўдзельнічала ў маніторынгу прэзідэнцкіх выбараў у Беларусі. Раней ШАС не накіроўвала такія місіі ў краіны-наглядальнікі.

"Беларусь мае намер і ў далейшым актыўна ўдзельнічаць у рабоце арганізацыі і ўносіць свой уклад ва ўмацаванне ўзаемавыгаднага супрацоўніцтва, стабільнасці і бяспекі ў рэгіёне", - сказалі на заканчэнне ў МЗС.

Архіў
Пн Аўт Сер Чцв Пт Сб Нядз
Помнікі Вялікай Айчыннай вайны ў Беларусі
Партызанскі летапіс