VI Усебеларускі народны сход
Афіцыйны сайт Рэспублікі Беларусь
Улада
Каляндар падзей у Беларусі
Выдатныя мясціны Беларусі
Сусветная спадчына ЮНЕСКА ў Беларусі
Беларускія санаторыі і курорты
Сувеніры з Беларусі
| Галоўная | Улада | Падзеі

Падзеі

25 Сак 2016

Славенія выступае за хутчэйшае спрашчэнне візавага рэжыму паміж Беларуссю і ЕС

25 сакавіка, Мінск /Святлана Саўко - БЕЛТА/. Славенія выступае за хутчэйшае падпісанне пагаднення аб спрашчэнні візавага рэжыму паміж Беларуссю і ЕС. Аб гэтым сёння па выніках перагавораў з міністрам замежных спраў Беларусі Уладзімірам Макеем заявіў намеснік прэм'ер-міністра - міністр замежных спраў Славеніі Карл Эр'явец, перадае карэспандэнт БЕЛТА.

Славенскі бок, паводле слоў віцэ-прэм'ера, выступае за тое, каб забяспечваць грамадзянам свабоду перамяшчэння.

Карл Эр'явец адзначыў, што адносіны паміж Беларуссю і Славеніяй заўсёды былі добрымі, і нават у час дзеяння санкцый Еўрасаюза яна выступала за іх адмену.

Што датычыцца супрацоўніцтва ў эканамічнай галіне, віцэ-прэм'ер падкрэсліў, што асаблівы інтарэс для бакоў уяўляюць такія сферы, як мадэрнізацыя чыгунак, энергетыка, фармацэўтыка і іншыя. Славенскі бізнес мае намер развіваць доўгатэрміновае супрацоўніцтва з беларускімі партнёрамі, яны таксама нацэлены на стварэнне новых рабочых месц.

На заканчэнне Карл Эр'явец выказаў удзячнасць беларускаму калегу за магчымасць зрабіць візіт, які абяцае быць вельмі плённым. Ён запрасіў Уладзіміра Макея наведаць Славенію і выказаў надзею, што гэтыя планы ўдасца ажыццявіць ужо ў бягучым годзе.

Архіў
Пн Аўт Сер Чцв Пт Сб Нядз
Помнікі Вялікай Айчыннай вайны ў Беларусі
VI Усебеларускі народны сход