У Беларусь без візы на 30 дзён
Афіцыйны сайт Рэспублікі Беларусь
Улада
Каляндар падзей у Беларусі
Выдатныя мясціны Беларусі
Сусветная спадчына ЮНЕСКА ў Беларусі
Беларускія санаторыі і курорты
Сувеніры з Беларусі
| Галоўная | Улада | Падзеі

Падзеі

22 Чэр 2017

Сіярта: Венгрыя падтрымлівае ўзмацненне супрацоўніцтва Беларусі з ЕС

22 чэрвеня, Мінск /Міхаіл Маціеўскі - БЕЛТА/. Венгрыя падтрымлівае ўзмацненне супрацоўніцтва Беларусі з Еўрапейскім саюзам. Аб гэтым заявіў сёння міністр замежных спраў і знешняга гандлю Венгрыі Петэр Сіярта на сустрэчы Прэзідэнта Беларусі Аляксандра Лукашэнкі з міністрамі замежных спраў і кіраўнікамі нацыянальных дэлегацый краін - членаў Цэнтральна-Еўрапейскай ініцыятывы (ЦЕІ), перадае карэспандэнт БЕЛТА.

Дыпламат адзначыў сімвалічнасць старшынства Беларусі ў ЦЕІ, паколькі дзяржава з'яўляецца часткай Еўразійскага эканамічнага саюза і ў той жа час развівае ўзаемаадносіны з еўрапейскімі партнёрамі. "На ўсіх сустрэчах мы падтрымліваем узмацненне супрацоўніцтва паміж Еўрапейскім саюзам і Рэспублікай Беларусь, якое павінна быць заснавана на ўзаемным даверы, - сказаў Петэр Сіярта. - Вы заўсёды можаце разлічваць на падтрымку цэнтральнаеўрапейскіх краін у духу ўзаемапавагі і рацыянальнасці".

Ён звярнуў увагу, што ў Венгрыі атрымалі важныя ўрокі з гісторыі і разумеюць неабходнасць развіваць добрыя адносіны і з Захадам, і з Усходам. "Па гэтай прычыне мы разглядаем Цэнтральна-Еўрапейскую ініцыятыву як мост паміж усходнімі і заходнімі краінамі Еўропы", - падкрэсліў Петэр Сіярта.

Паводле слоў міністра, Еўрасаюз у значнай меры страціў сваю канкурэнтаздольнасць, а адзін з лепшых і эфектыўных спосабаў аднавіць яе - развіваць супрацоўніцтва паміж Заходняй і Усходняй Еўропай.

Архіў
Пн Аўт Сер Чцв Пт Сб Нядз
Помнікі Вялікай Айчыннай вайны ў Беларусі
Партызанскі летапіс