У Беларусь без візы на 30 дзён
Афіцыйны сайт Рэспублікі Беларусь
Год малой радзімы ў Беларусі
Улада
Каляндар падзей у Беларусі
Выдатныя мясціны Беларусі
Сусветная спадчына ЮНЕСКА ў Беларусі
Беларускія санаторыі і курорты
Сувеніры з Беларусі
| Галоўная | Улада | Падзеі

Падзеі

12 Кст 2017

Семінар па прымяненні мер гандлёвай абароны ў кантэксце далучэння Беларусі да СГА праходзіць у МЗС

12 кастрычніка, Мінск /Кар. БЕЛТА/. Нацыянальны семінар "Прымяненне мер гандлёвай абароны ў кантэксце далучэння Беларусі да СГА" праходзіць у Міністэрстве замежных спраў Беларусі, паведамілі БЕЛТА ў прэс-службе знешнепалітычнага ведамства.

Мерапрыемства, у якім прымаюць удзел больш за 60 прадстаўнікоў рэспубліканскіх органаў дзяржкіравання, канцэрнаў, Беларускай гандлёва-прамысловай палаты, адміністрацый свабодных эканамічных зон, арганізавана МЗС сумесна з прадстаўніцтвам Праграмы развіцця ААН (ПРААН) у Беларусі згодна з праектам тэхнічнай дапамогі "Садзейнічанне ўраду Рэспублікі Беларусь пры ўступленні ў СГА праз узмацненне экспертнага і інстытуцыянальнага патэнцыялу".

У семінары таксама ўдзельнічаюць прадстаўнікі аддзела гандлёвых правіл Сакратарыята Сусветнай гандлёвай арганізацыі, Дэпартамента абароны ўнутранага рынку Еўразійскай эканамічнай камісіі.

Мэта мерапрыемства - павышэнне эфектыўнасці работы дзяржаўных органаў і арганізацый, а таксама спецыялістаў маркетынгавых службаў беларускіх прадпрыемстваў, што прымаюць удзел у абаронных расследаваннях у рамках ЕАЭС, а таксама ў расследаваннях адносна беларускай прадукцыі з боку трэціх краін.

У парадак дня семінара ўключаны актуальныя пытанні прымянення працэдур і правіл СГА пры правядзенні абаронных расследаванняў, пасяджэнняў адпаведных камітэтаў арганізацый. Будуць разгледжаны працэдурныя аспекты правядзення абаронных расследаванняў Еўразійскай эканамічнай камісіяй у рамках ЕАЭС. Удзельнікам семінара будзе прадстаўлена інфармацыя аб антыдэмпінгавых практыках Еўрасаюза, а таксама аб удзеле беларускіх экспарцёраў у нядаўніх антыдэмпінгавых расследаваннях, праводзімых Еўрапейскай камісіяй.

Архіў
Пн Аўт Сер Чцв Пт Сб Нядз
Помнікі Вялікай Айчыннай вайны ў Беларусі
Партызанскі летапіс