Афіцыйны сайт Рэспублікі Беларусь
Улада
Каляндар падзей у Беларусі
Выдатныя мясціны Беларусі
Сусветная спадчына ЮНЕСКА ў Беларусі
Беларускія санаторыі і курорты
Сувеніры з Беларусі
| Галоўная | Улада | Падзеі

Падзеі

3 Feb 2015

Савет пастаянных прадстаўнікоў СНД збярэцца ў Мінску 5 лютага

3 лютага, Мінск /Кар. БЕЛТА/. Чарговае пасяджэнне Савета пастаянных паўнамоцных прадстаўнікоў дзяржаў - удзельніц СНД пры статутных і іншых органах Садружнасці адбудзецца ў Мінску 5 лютага, паведамілі БЕЛТА ў прэс-службе Выканкама СНД.

Удзельнікі пасяджэння абмяркуюць праект парадку дня чарговага пасяджэння Савета міністраў замежных спраў СНД, намечанага на 3 красавіка ў горадзе Ошы (Кыргызстан). У праект уключаны 18 пытанняў. Чакаецца, што кіраўнікі знешнепалітычных ведамстваў прааналізуюць выкананне плана кансультацый паміж міністэрствамі замежных спраў на 2014 год і зацвердзяць адпаведны план на бягучы год, разгледзяць праграму супрацоўніцтва ва ўмацаванні пагранбяспекі на знешніх граніцах, асноўныя мерапрыемствы супрацоўніцтва ў галіне культуры. Трэба будзе папярэдне разгледзець пагадненні аб супрацоўніцтве ў галіне папярэджання і ліквідацыі надзвычайных сітуацый; аб павышэнні кваліфікацыі педагагічных работнікаў агульнаадукацыйных арганізацый; аб стварэнні і дзейнасці сумесных следча-аператыўных груп на тэрыторыях дзяржаў - удзельніц СНД; аб утварэнні Савета кіраўнікоў пенітэнцыярных службаў і іншыя дакументы.

Членам Савета пастаянных прадстаўнікоў будуць прадстаўлены таксама прапановы ў праект парадку дня чарговага пасяджэння Савета кіраўнікоў урадаў СНД, якое адбудзецца 29 мая ў Астане (Казахстан).

Акрамя таго, на пасяджэнні будуць абмяркоўвацца вынікі пасяджэнняў экспертных груп па ўзгадненні праектаў дакументаў СНД у 2014 годзе.

Пастаянныя паўнамоцныя прадстаўнікі ўзгодняць кандыдатуру кіраўніка місіі наглядальнікаў ад СНД на выбарах прэзідэнта Узбекістана, якія назначаны на 29 сакавіка 2015 года.

Архіў
Пн Аўт Сер Чцв Пт Сб Нядз
Помнікі Вялікай Айчыннай вайны ў Беларусі