Падзеі

16 кастрычніка, Бурабай /Святлана Саўко - БЕЛТА/. Савет кіраўнікоў дзяржаў СНД сёння на саміце зацвердзіў пакет дакументаў у сферы забеспячэння бяспекі і процідзеяння новым выклікам і пагрозам, перадае карэспандэнт БЕЛТА.

Так, зацверджана праграма супрацоўніцтва дзяржаў - удзельніц СНД ва ўмацаванні пагранічнай бяспекі на знешніх граніцах на 2016-2020 гады. Ёю прадугледжаны шырокі комплекс мер, накіраваных на ўдасканаленне аховы знешніх граніц краін Садружнасці, каардынацыю дзейнасці пагранічных ведамстваў, удасканаленне нарматыўнай прававой базы.

Кіраўнікі дзяржаў зацвердзілі таксама канцэпцыю ваеннага супрацоўніцтва дзяржаў - удзельніц СНД да 2020 года, пагаднення аб парадку стварэння і дзейнасці сумесных следча-аператыўных груп на тэрыторыях краін Садружнасці, аб супрацоўніцтве ў галіне папярэджання і ліквідацыі надзвычайных сітуацый і іншыя дакументы.

Усяго ў парадку дня саміту было 17 пытанняў. Сярод дакументаў у галіне палітычнага ўзаемадзеяння самымі важнымі сталі заявы кіраўнікоў дзяржаў з нагоды 70-годдзя стварэння ААН, аб барацьбе з міжнародным тэрарызмам. У гэтым дакуменце канстатуецца, што эфектыўнае процідзеянне тэрарызму магчыма на падставе міжнароднага права пры каардынуючай ролі ААН. У сувязі з гэтым усе члены сусветнай супольнасці заклікаюцца няўхільна выконваць патрабаванні антытэрарыстычных рэзалюцый Савета Бяспекі і Генеральнай Асамблеі ААН. Краіны СНД прынялі таксама зварот у сувязі з 30-й гадавінай аварыі на Чарнобыльскай АЭС.

Важныя рашэнні прыняты для ўмацавання гуманітарнага супрацоўніцтва, у тым ліку аб прававым забеспячэнні міграцыйных працэсаў у Садружнасці, аб рэалізацыі міждзяржаўнай праграмы "Культурныя сталіцы Садружнасці". Культурнай сталіцай СНД у наступным годзе.