Падзеі

26 студзеня, Мінск /Кар. БЕЛТА/. Кіраўнік дэлегацыі Нацыянальнага сходу Беларусі па ажыццяўленні кантактаў з Парламенцкай дэлегацыяй Савета Еўропы, дэпутат Палаты прадстаўнікоў Мікалай Самасейка правядзе сустрэчы з кіраўніцтвам ПАСЕ і замежнымі парламентарыямі. Аб гэтым БЕЛТА паведамілі ў прэс-службе Палаты прадстаўнікоў.

Мікалай Самасейка ў час зімовай сесіі ПАСЕ прыме ўдзел у пасяджэнні Камісіі ПАСЕ па палітычных пытаннях і дэмакратыі, якое адбудзецца 28 студзеня ў Страсбургу (Францыя).

Запланавана правядзенне двухбаковых сустрэч з кіраўніцтвам Парламенцкай асамблеі Савета Еўропы, замежнымі парламентарыямі, службовымі асобамі Савета Еўропы і сакратарыята ПАСЕ.