Падзеі
Саюзныя парламентарыі абмяркуюць у Гомелі фарміраванне адзінай навукова-тэхналагічнай прасторы
20 сакавіка, Масква /Эдуард Півавар - БЕЛТА/. Фарміраванне адзінай навукова-тэхналагічнай прасторы стане галоўнай тэмай пасяджэння Камісіі Парламенцкага сходу Саюза Беларусі і Расіі па эканамічнай палітыцы, якое пройдзе 26 сакавіка ў Гомелі, паведамілі БЕЛТА ў прэс-службе сходу.
Дэпутаты актуалізуюць пералік прыярытэтных навукова-тэхналагічных праграм Саюзнай дзяржавы, падвядуць папярэднія вынікі завершаных у 2014 годзе праграм "Мікрасістэматэхніка" і "Стандартызацыя -СД", а таксама разгледзяць праект плана работы Камісіі па эканамічнай палітыцы на 2015 год. Акрамя таго, дэлегацыя Парламенцкага сходу сустрэнецца са старшынямі Гомельскага абласнога выканаўчага камітэта і абласнога Савета дэпутатаў.
26 сакавіка саюзныя парламентарыі наведаюць Гомельскі дзяржаўны ўніверсітэт імя Ф.Скарыны і прадпрыемствы - рэзідэнты свабоднай эканамічнай зоны "Гомель-Ратон" "Фрэшпак" і "Алкапак", а 27 сакавіка - вытворчыя падраздзяленні ААТ "Гомсельмаш".
Акрамя дэпутатаў у пасяджэнні камісіі прымуць удзел прадстаўнікі Пастаяннага камітэта Саюзнай дзяржавы, Міністэрства адукацыі і навукі Расіі, Дзяржаўнага камітэта па навуцы і тэхналогіях Беларусі, Федэральнага касмічнага агенцтва РФ, Нацыянальнай акадэміі навук Беларусі, Гомельскага дзяржаўнага ўніверсітэта імя Ф.Скарыны і прадпрыемстваў, якія займаюцца распрацоўкай інавацыйных тэхналогій.
Цэнтральнай тэмай нарады стане фарміраванне адзінай навукова-тэхналагічнай прасторы Расіі і Беларусі.
версія для друку
зрабіць стартавай
дабавіць у выбранае