Падзеі
Саюзныя парламентарыі абмяркуюць фарміраванне агульнай інфармпрасторы Беларусі і Расіі
20 сакавіка, Масква /Эдуард Півавар - БЕЛТА/. Фарміраванне агульнай інфармпрасторы Саюзнай дзяржавы будзе абмяркоўвацца 27 сакавіка ў Гомелі на пасяджэнні Камісіі Парламенцкага сходу Саюза Беларусі і Расіі па інфармацыйнай палітыцы, паведамілі БЕЛТА ў прэс-службе сходу.
"Удзельнікам пасяджэння будуць прадстаўлены інфармацыя аб ходзе рэалізацыі плана мерапрыемстваў па стварэнні агульнай інфармацыйнай прасторы Саюзнай дзяржавы на 2016-2020 гады, а таксама справаздача аб выкананні бюджэту Саюзнай дзяржавы за 2017 год па раздзеле "сродкі масавай інфармацыі", - адзначылі ў прэс-службе.
Парламентарыі разгледзяць пытанні, звязаныя з дзейнасцю і фінансаваннем Тэлерадыёвяшчальнай арганізацыі Саюзнай дзяржавы. Акрамя таго, прадстаўнікі Гомельскага аблвыканкама і кіраўнікі СМІ Гомельскай вобласці прадставяць удзельнікам мерапрыемства інфармацыю аб асвятленні ў сродках масавай інфармацыі інтэграцыйных працэсаў у Саюзнай дзяржаве.
Да ўдзелу ў пасяджэнні запрошаны прадстаўнікі Пастаяннага камітэта Саюзнай дзяржавы, профільных міністэрстваў Беларусі і Расіі, кіраўніцтва Гомельскага аблвыканкама, саюзных сродкаў масавай інфармацыі.
версія для друку
зрабіць стартавай
дабавіць у выбранае