Падзеі

Рыжанкоў зробіць афіцыйны візіт у Мазамбік 16-18 ліпеня

Фота з архiва

16 ліпеня, Мінск /Кар. БЕЛТА/. Міністр замежных спраў Максім Рыжанкоў 16-18 ліпеня зробіць афіцыйны візіт у Мазамбік. Аб гэтым БЕЛТА паведамілі ў прэс-службе МЗС.

Паведамляецца, што ў праграме візіту запланаваны перагаворы на вышэйшым узроўні, сустрэчы ў галіновых міністэрствах, а таксама работа з бізнесам.

Раней Прэзідэнт Беларусі Аляксандр Лукашэнка выказаўся наконт перспектыў супрацоўніцтва Беларусі і Мазамбіка. На сустрэчы са старшынёй Сената Зімбабвэ Мейбл Мемары Чынамона кіраўнік дзяржавы прапанаваў рэалізаваць трохбаковы праект з Мазамбікам па будаўніцтве марскога порта.

"Нам вельмі патрэбна кропка апоры на ўзбярэжжы Афрыканскага кантынента - на паўднёвым усходзе. Гэта значыць, што мы разам павінны папрацаваць з Зімбабвэ над будаўніцтвам порта ў вашай суседняй дзяржаве - Мазамбіку. Калі б мы ажыццявілі разам з Мазамбікам і Зімбабвэ гэту ідэю, а ў дадзеным выпадку мы можам гэта зрабіць і аднавіць чыгуначныя зносіны праз вашага суседа (там невялікая адлегласць) у Зімбабвэ, то ваша краіна стала б добрым хабам на поўдні Афрыкі для тавараў, патрэбнай прадукцыі не толькі з Беларусі, але і для тавараў іншых дзяржаў. Думаю, перш за ўсё Расіі", - заявіў тады беларускі лідар.

версія для друку

зрабіць стартавай

дабавіць у выбранае