Падзеі

Рыжанкоў расказаў аб падрыхтоўцы замежных візітаў Прэзідэнта

Фота з архiва

1 кастрычніка, Мінск /Кар. БЕЛТА/. Беларусь нацэлена на актыўнае выбудоўванне супрацоўніцтва з Афрыкай і Азіяй. Аб гэтым заявіў журналістам міністр замежных спраў Максім Рыжанкоў, перадае карэспандэнт БЕЛТА.

"Вы ведаеце дакладнае даручэнне Прэзідэнта і нацэленасць ісці сёння ў Азію, ісці вельмі моцна ў Афрыку, чапляцца за любыя магчымасці па пашырэнні нашых тавараў, па развіцці інвестпраектаў, па рэалізацыі сумесных ініцыятыў у галіне стварэння нейкага прадукту або яго пашырэння на нейкіх іншых рынках. Менавіта гэтым абумоўліваецца тое, што большасць маіх сустрэч (на палях Генасамблеі ААН у Нью-Ёрку. - Заўвага БЕЛТА) - гэта былі сустрэчы з маімі калегамі з краін Афрыкі, Азіі. І калі мы гаворым пра практычную карысць ад гэтых сустрэч, то абмяркоўваліся канкрэтныя параметры візіту Прэзідэнта ў шэраг краін", - расказаў Максім Рыжанкоў.

Міністр не стаў раскрываць падрабязнасці, падкрэсліўшы, што падрыхтоўка такіх мерапрыемстваў патрабуе цішыні. "Але мы поўнасцю адпрацавалі вялікі комплекс пытанняў з некалькімі краінамі адносна візітаў кіраўніка дзяржавы", - дадаў ён.

Акрамя гэтага, з замежнымі партнёрамі былі абмеркавання пытанні пастаўкі беларускай тэхнікі, садзейнічанне ў механізацыі сельскай гаспадаркі. "Перш за ўсё ідзе размова пра Афрыку. Гэта Тога, Гана, Батсвана, Эфіопія, дзе такія праекты ўжо на фінальнай стадыі рэалізацыі. Расстаўляліся апошнія кропкі адносна таго, калі і як будуць рэалізаваны гэтыя праекты", - падкрэсліў кіраўнік МЗС.

версія для друку

зрабіць стартавай

дабавіць у выбранае