Падзеі

Рыжанкоў прыняў копіі даверчых грамат новага Апостальскага нунцыя ў Беларусі

Максім Рыжанкоў і Іньяцыа Чэфаліа. Фота МЗС

23 ліпеня, Мінск /Кар. БЕЛТА/. Міністр замежных спраў Максім Рыжанкоў прыняў копіі даверчых грамат Апостальскага нунцыя ў Беларусі Іньяцыа Чэфаліа. Аб гэтым БЕЛТА паведамілі ў прэс-службе беларускага знешнепалітычнага ведамства.

У час сустрэчы бакі абмеркавалі актуальнае становішча Рымска-каталіцкай царквы ў Беларусі і стан двухбаковых адносін. Размова таксама ішла пра перспектывы актывізацыі дыялогу з Ватыканам, улічваючы таксама адкрыццё ў гэтым годзе пасольства Беларусі пры Святым прастоле.

Акрамя таго, Максім Рыжанкоў і Іньяцыа Чэфаліа абмяняліся меркаваннямі па актуальных тэмах міжнароднага парадку дня. Субяседнікі пацвердзілі падабенства падыходаў Беларусі і Ватыкана да дасягнення міру ў Еўропе, захавання традыцыйных каштоўнасцей, умацавання міжканфесійнага дыялогу. Бакі таксама абмеркавалі шляхі рэалізацыі ініцыятыў кіраўніка дзяржавы па ўмацаванні ролі традыцыйных канфесій у Беларусі, уключаючы Рымска-каталіцкую царкву, а таксама па выбудоўванні адносін з Ватыканам.

Максім Рыжанкоў пажадаў новаму Апостальскаму нунцыю плённай працы ў Беларусі.

Як паведамлялася, Іньяцыа Чэфаліа нарадзіўся 28 красавіка 1975 года ў горадзе Палерма, Італія. 6 жніўня 2003 года пасвячоны ў сан святара. З'яўляецца доктарам кананічнага права.

Сваю дыпламатычную службу ў Святым прастоле пачаў 1 ліпеня 2006 года. Працаваў у Эквадоры, Тайландзе, Пастаянным прадстаўніцтве Святога прастола пры Савеце Еўропы (Страсбург), у аддзеле адносін з дзяржавамі Дзяржаўнага сакратарыята Святога прастола і да апошняга часу - у Венесуэле. Валодае італьянскай, албанскай, французскай, английскай і іспанскай мовамі.

версія для друку

зрабіць стартавай

дабавіць у выбранае