Афіцыйны сайт Рэспублікі Беларусь
Улада
Каляндар падзей у Беларусі
Выдатныя мясціны Беларусі
Сусветная спадчына ЮНЕСКА ў Беларусі
Беларускія санаторыі і курорты
Сувеніры з Беларусі
| Галоўная | Улада | Падзеі

Падзеі

30 Сак 2015

Рыбакоў адзначыў супадзенне падыходаў Беларусі і краін АІС у абароне сямейных каштоўнасцей

31 сакавіка, Мінск /Кар. БЕЛТА/. Намеснік міністра замежных спраў Беларусі Валянцін Рыбакоў правёў у штаб-кватэры ААН у Нью-Ёрку прэзентацыю кнігі беларускага гісторыка Уладзіміра Ліхадзедава "Беларусь і мусульманскі свет", паведамілі БЕЛТА ў прэс-службе МЗС.

"Валянцін Рыбакоў адзначыў супадзенне і сугучнасць падыходаў і прыярытэтаў Беларусі і краін - членаў Арганізацыі ісламскага супрацоўніцтва (АІС) на міжнароднай арэне, у першую чаргу ў такіх галінах, як сямейныя каштоўнасці, рэлігійная цярпімасць, устойлівае развіццё. Намеснік міністра выказаў надзею, што кніга "Беларусь і мусульманскі свет" дапаможа дзяржавам - членам АІС больш даведацца аб Беларусі, яе паважлівым стаўленні да мусульман і ісламу, намеры ўмацоўваць шматпланавае ўзаемавыгаднае супрацоўніцтва на міждзяржаўным узроўні", - паведамілі ў МЗС.

"Прэзентацыя адбылася на спецыяльна скліканай сустрэчы кіраўнікоў дыпламатычных місій краін - членаў АІС пры ААН", - растлумачылі ў міністэрстве. Звяртаючыся да ўдзельнікаў сустрэчы, Валянцін Рыбакоў звярнуў увагу, што ў Беларусі ўжо даволі даўно пражываюць мусульмане, у краіне склаліся трывалыя традыцыі талерантнага і паважлівага стаўлення беларусаў да ісламу і людзей гэтай рэлігіі.

"У час абмену меркаваннямі замежныя дыпламаты выказалі падтрымку ініцыятывам і лідарскай ролі Беларусі ў ААН у пытаннях барацьбы з гандлем людзьмі і абароны традыцыйных сямейных каштоўнасцей", - адзначылі ў МЗС Беларусі.

Прадстаўнікам краін АІС былі ўручаны пісьмы міністра замежных спраў Беларусі Уладзіміра Макея, дзе ён заклікае да больш глыбокага разумення сучаснай Беларусі і каштоўнасцей яе народа.

Архіў
Пн Аўт Сер Чцв Пт Сб Нядз
Помнікі Вялікай Айчыннай вайны ў Беларусі