Падзеі

6 верасня, Мінск /Кар. БЕЛТА/. Намеснік міністра замежных спраў Беларусі Валянцін Рыбакоў сустрэўся 6 верасня з прадстаўніком Упраўлення Вярхоўнага камісара ААН па справах бежанцаў у Беларусі Жанам Івам Бушардзі, паведамілі БЕЛТА ў прадстаўніцтве УВКБ ААН у Беларусі.

Бакі абмеркавалі пытанні, звязаныя з далучэннем Беларусі да Канвенцыі ААН аб статусе апатрыдаў 1954 года і Канвенцыі ААН аб скарачэнні безграмадзянства 1951 года (Канвенцыі ААН па безграмадзянстве).

"УВКБ ААН высока ацэньвае нядаўна ўнесеныя змяненні ў закон аб грамадзянстве, якія ўступілі ў сілу ў красавіку 2016 года. Згодна з імі дзеці, народжаныя ў сем'ях асоб без грамадзянства, што часова пражываюць на тэрыторыі Беларусі, маюць права на атрыманне грамадзянства", - падкрэслілі ў прадстаўніцтве.

У канцы сустрэчы МЗС Беларусі і УВКБ ААН выказалі ўзаемныя намеры прадоўжыць работу ў напрамку далучэння Беларусі да Канвенцый ААН па безграмадзянстве.