Афіцыйны сайт Рэспублікі Беларусь
Улада
Каляндар падзей у Беларусі
Выдатныя мясціны Беларусі
Сусветная спадчына ЮНЕСКА ў Беларусі
Беларускія санаторыі і курорты
Сувеніры з Беларусі
| Галоўная | Улада | Падзеі

Падзеі

28 Жнв 2018

Румас лічыць недапушчальным даводзіць паказчыкі прыватнаму бізнесу

28 жніўня, Мінск /Кар. БЕЛТА/. Прэм'ер-міністр Беларусі Сяргей Румас нагадаў аб недапушчальнасці даводзіць паказчыкі прыватнаму бізнесу. Адпаведную заяву ён зрабіў сёння на пасяджэнні Савета Міністраў, дзе абмяркоўваюцца праекты прагнозу сацыяльна-эканамічнага развіцця, асноўных напрамкаў грашова-крэдытнай палітыкі і бюджэту на 2019 год, а таксама праект новай рэдакцыі Падатковага кодэкса, перадае карэспандэнт БЕЛТА.

"Тэма не новая, але неяк замылена, хоць для мяне яна вельмі важная. Гэта датычыцца ўсіх прысутных, і ў першую чаргу губернатараў. Я маю на ўвазе пункт праекта ўказа, якім устанаўліваецца забарона на давядзенне паказчыкаў прыватнаму бізнесу, а таксама паказчыкаў, не вызначаных урадам", - адзначыў Сяргей Румас.

Такая ж норма ёсць і ў дзеючым указе нумар 469 "Аб задачах сацыяльна-эканамічнага развіцця Рэспублікі Беларусь на 2018 год". Аднак на практыцы сітуацыя складваецца па-іншаму. "Патрабаванні ўказа на месцах не выконваюцца. Даводзяцца заданні да арганізацый усіх форм уласнасці, уключаючы прыватнікаў", - канстатаваў прэм'ер-міністр.

Кіраўнік урада таксама нагадаў, што крытэрыем ацэнкі эфектыўнасці для старшынь гар- і райвыканкамаў з'яўляецца стварэнне новых рабочых месц, як гэта вызначана ва ўказе кіраўніка дзяржавы нумар 78. Таму старшыням аблвыканкамаў трэба арганізаваць работу з кіраўнікамі гар- і райвыканкамаў, як таго патрабуюць адпаведныя нарматыўныя дакументы, у першую чаргу рашэнні кіраўніка дзяржавы.

Сяргей Румас папрасіў першага віцэ-прэм'ера Аляксандра Турчына ўзяць на кантроль гэтыя пытанні з улікам таго, што ён узначальвае Савет па развіцці прадпрымальніцтва.

Архіў
Пн Аўт Сер Чцв Пт Сб Нядз
Помнікі Вялікай Айчыннай вайны ў Беларусі