Падзеі

Рэгіянальны дырэктар ААН: вопыт Беларусі па дасягненні МУР - прыклад для іншых краін Еўропы

11 мая, Мінск /Кар. БЕЛТА/. Вопыт Беларусі па дасягненні Мэт устойлівага развіцця - прыклад для іншых краін Еўропы. Аб гэтым заявіла рэгіянальны дырэктар Упраўлення ААН па каардынацыі дзейнасці ў мэтах развіцця ў Еўропе і Цэнтральнай Азіі Гві Ёп Сон на сустрэчы з намеснікам старшыні Савета Рэспублікі Валерыем Бельскім, перадае карэспандэнт БЕЛТА.

"Для мяне вялікі гонар знаходзіцца ў такой прыгожай краіне, як Рэспубліка Беларусь. Раніцай адбыліся вельмі  плённыя сустрэчы. Адна з іх - з прадстаўнікамі каманды Арганізацыі Аб'яднаных Нацый у Рэспубліцы Беларусь. Другая сустрэча - са старшынёй Белстата. Абедзве сустрэчы былі вельмі інфарматыўнымі, асабліва ў Белстаце, дзе мне расказалі, якога прагрэсу дабілася краіна ў дасягненні Мэт устойлівага развіцця і зборы даных па індыкатарах МУР. Нам паведамілі, што абмяркоўваецца магчымасць пераводу гэтых даных з нацыянальнага на рэгіянальны ўзровень. Гэта выдатны прыклад таго, як можа працаваць краіна. Лічу, гэты вопыт можна выкарыстоўваць у якасці перадавога сярод іншых краін Еўропы", - расказала Гві Ёп Сон.

Паводле яе слоў, адбыўся плённы дыялог. "Мы заклікаем Беларусь павысіць мэты, названыя ў Мэтах устойлівага развіцця для нацыянальнага ўзроўню, гэта значыць быць больш амбіцыйнымі. Гэта будзе асабліва актуальна ў тым плане, што па многіх ужо МУР вынік дасягнуты або мэта выканана. Плюс, калі Беларусь знойдзе магчымасць павысіць планку для сябе, гэта будзе вельмі своечасова ў сувязі з запланаваным самітам па Мэтах устойлівага развіцця, што, як мяркуецца, павінен адбыцца ў верасні і будзе арганізаваны генеральным сакратаром ААН. На ім можна будзе далажыць аб гэтай амбіцыйнай пазіцыі Беларусі аб пераглядзе ўзятых на сябе абавязацельстваў па дасягненні Мэт устойлівага развіцця, а таксама дэманстрацыі іншых дасягненняў, у тым ліку па зніжэнні выкідаў парніковых газаў", - адзначыла рэгіянальны дырэктар.

"У форме пісьма-запрашэння на імя кіраўніка беларускай дзяржавы ўказаны дзве просьбы з боку генеральнага сакратара ААН. Па-першае, просьба аб тым, каб дзяржавы - члены ААН рабілі ўсё неабходнае па паскарэнні дасягненняў Мэт устойлівага развіцця. А па-другое, каб гэта работа праводзілася з удзелам усіх бакоў: прадстаўнікоў грамадзянскай супольнасці, прыватнага сектара і ўрада. Мы са свайго боку, боку каманды ААН, гатовы ўсяляк падтрымаць Рэспубліку Беларусь у гэтым", - дапоўніла Гві Ёп Сон.

версія для друку

зрабіць стартавай

дабавіць у выбранае