У Беларусь без візы на 30 дзён
Афіцыйны сайт Рэспублікі Беларусь
Год малой радзімы ў Беларусі
Улада
Каляндар падзей у Беларусі
Выдатныя мясціны Беларусі
Сусветная спадчына ЮНЕСКА ў Беларусі
Беларускія санаторыі і курорты
Сувеніры з Беларусі
| Галоўная | Улада | Падзеі

Падзеі

12 Крс 2017

Развіццё міжпарламенцкіх кантактаў будзе абмяркоўвацца на перагаворах з кітайскай дэлегацыяй у Савеце Рэспублікі

12 красавіка, Мінск /Святлана Саўко - БЕЛТА/. Развіццё міжпарламенцкіх кантактаў, а таксама міжрэгіянальнага і навукова-тэхнічнага супрацоўніцтва будзе ў цэнтры ўвагі на перагаворах з кітайскай дэлегацыяй высокага ўзроўню ў Савеце Рэспублікі. Аб гэтым карэспандэнту БЕЛТА паведаміў старшыня Пастаяннай камісіі Савета Рэспублікі Нацыянальнага сходу па міжнародных справах і нацыянальнай бяспецы Сяргей Рахманаў.

На 16-18 красавіка запланаваны візіт у Беларусь кітайскай парламенцкай дэлегацыі на чале са старшынёй Пастаяннага камітэта Усекітайскага сходу народных прадстаўнікоў Чжанам Дэцзянам. Важныя перагаворы запланаваны і ў Савеце Рэспублікі. Будуць абмяркоўвацца, у прыватнасці, перспектывы міжпарламенцкіх кантактаў. Сяргей Рахманаў праінфармаваў, што створаная ў Нацыянальным сходзе рабочая група па супрацоўніцтве з парламентам Кітая, таксама як і іншыя такія групы, мае намер актывізаваць сваю работу за кошт дэталёвага аналізу двухбаковых адносін і фарміравання канкрэтных прапаноў.

Акрамя таго, на перагаворах пойдзе размова аб актывізацыі гандлёва-эканамічных адносін і аб тым, якую ролю ў гэтым павінны будуць адыграць парламенты. "Упор будзе зроблены на пашырэнне міжрэгіянальнага супрацоўніцтва. Гэта практыка намі апрабавана. Добрым прыкладам служыць сістэмная работа з Расіяй, з якой Беларусь у гэтым годзе правядзе ўжо IV Форум рэгіёнаў", - сказаў сенатар. Ён растлумачыў, што ў такім ключы беларускі бок мае намер развіваць адносіны і з іншымі вялікімі краінамі-партнёрамі, сярод якіх і Кітай.

Яшчэ адным важным пытаннем у маючых адбыцца перагаворах стане развіццё навукова-тэхнічнага супрацоўніцтва. Мэта - замацаваць ужо існуючыя пазітыўныя тэндэнцыі. Сяргей Рахманаў звярнуў увагу, што беларускія і кітайскія вучоныя, ВНУ ўжо цяпер рэалізуюць значныя праекты і кантракты, у тым ліку ў сферы высокіх тэхналогій. У Беларусі дзейнічаюць некалькі Інстытутаў Канфуцыя, арыентаваных на развіццё шматпрофільнага ўзаемадзеяння з Кітаем.

Сенатар падкрэсліў, што маючы адбыцца візіт абяцае стаць знакавым. Ён упісваецца ў кантэкст інтэнсіфікацыі беларуска-кітайскіх адносін па ўсіх напрамках. Сяргей Рахманаў сказаў, што ў 2016 годзе беларускі і кітайскі лідары падпісалі сумесную дэкларацыю Беларусі і КНР аб устанаўленні адносін давернага ўсебаковага стратэгічнага партнёрства і ўзаемавыгаднага супрацоўніцтва. "Гэта сведчыць аб тым, што ўзважаная палітыка, якую рэалізуе на практыцы беларускае кіраўніцтва краіны, прыносіць свае вынікі. Беларусь прызнана важным партнёрам для Кітая, што служыць для нас стымулам у развіцці міжнародных адносін у цэлым", - рэзюмаваў Сяргей Рахманаў.

Архіў
Пн Аўт Сер Чцв Пт Сб Нядз
Помнікі Вялікай Айчыннай вайны ў Беларусі
Партызанскі летапіс